कर्णाली प्रदेशका मुख्यमन्त्री राजकुमार शर्माको पहिलो निर्णयः बर्षदिनमा १० हजारलाई रोजगारी

खोज पत्रिका बिहिबार, २०७९ पुस २८, २० :४६ बजे

सुर्खेत । कर्णाली प्रदेशका नवनियुक्त मुख्यमन्त्री राजकुमार शर्माले मुख्यमन्त्री तथा मन्त्रिपरिषद्को कार्यालयमा बिहीबार पदभार ग्रहण गरेका छन् । पदभार ग्रहण गर्दै मुख्यमन्त्री शर्माले प्रतिवर्ष १० हजारलाई रोजगारी दिने कार्यविधि बनाउने पहिलो निर्णय गरे ।

गरिबी र विकटता रहेको कर्णालीका २ वटा उत्तरदायित्व पूरा हुने पदभार ग्रहणपछि उनले बताए । यी २ वटा उत्तरदायित्व पूरा गर्न गरिबी पहिलो बाधा देखेको शर्माको भनाइ छ । ‘समृद्ध कर्णालीको अभियानअन्तर्गत प्रतिवर्ष कम्तिमा दश हजार बेरोजगारलाई रोजगारी प्रदान गर्न कार्यविधि, नीति र बजेट तर्जुमा गरेर अगाडि बढ्ने निर्णय गरेको उनको दाबी छ ।

कर्णाली प्रदेशका नवनियुक्त मुख्यमन्त्री राजकुमार शर्माले शपथ लिएका छन् । कर्णाली प्रदेश प्रमुख तिलक परियारले उनलाई पद तथा गोपनीयताको शपथ गराएका थिए ।

शर्मासँगै आज दुई मन्त्रीलाई शपथ गराइएको छ । नवनियुक्त दुई मन्त्रीहरूमा माओवादीबाट मुगु ‘२’ का मंगल शाही र एमालेबाट दैलेख ‘२’ बाट निर्वाचित विनोदकुमार शाह छन् । उनीहरूलाई अहिले भने मन्त्रालय तोकिएको छैन ।

क्याटेगोरी : जीवनशैली, प्रमुख समाचार, राजनीति, समाचार
ट्याग : #मुख्यमन्त्री राजकुमार शर्मा, #राजकुमार शर्मा