पाकिस्तानलाई सहयोग गर्न संयुक्त राष्ट्र संघको अपिल

काठमाडौं । संयुक्त राष्ट्र संघले गत वर्षको भीषण बाढीबाट आक्रान्त बनेको पाकिस्तानलाई सहयोग गर्न अन्तर्राष्ट्रिय समुदायलाई अपील गरेको छ । जेनेभामा जारी बैठकमा महासचिव एन्टोनियो गुटेरेसले पाकिस्तानसहित विकासशील देशहरुको स्थिति सुधारका लागि आवश्यक कदम चाल्न आग्रह गरे ।

जलवायु समस्याबारे छलफलका लागि उपस्थित भएका विभिन्न देशका प्रतिनिधिलाई सम्बोधन गर्दै गुटेरेशले पाकिस्तानमा बाढीले पुर्याएको क्षति स्मरण गराउँदै शंका लागे पाकिस्तान भ्रमण गर्न आग्रहसमेत गरे । उनले क्षतिबारे अवलोकन गरेर जलवायु परिवर्तनले पु¥याएको असरबारे जानकारी राख्न आग्रह पनि गरे ।

गुटेरेशले जलवायु परिवर्तनको असरका लागि कम जिम्मेवार भएका देशहरु नै बढी मारमा परेको उल्लेख गरे । पाकिस्तानमा सन् २०२२ मा को बर्षायाममा सिन्ध र बलोचिस्तान प्रान्तमा आएको बाढीका कारण झण्डै साढे तीन करोड मानिस प्रभावित भएका थिए ।

१७ सयभन्दा बढीको मृत्यु भएको थियो भने ८० लाख मानिस विस्थापित नै भएका थिए। बाढीका कारण २२ लाख घरमा पूर्णरुपमा क्षति पुगेको थियो ।

थप समाचार

अस्पतालमा पीडितको गुनासोः कि सास कि लास भेट्न पाए हुन्थ्यो,…

भोटेकोशी बाढीमा उद्धार र शव ब्यवस्थापनबारे सरकारमाथि प्रश्न, प्रधानमन्त्रीले दिए…

रूस–युक्रेन युद्धको प्रभावबीच जी–२० अर्थमन्त्रीहरूको बैठक सकियो

कांग्रेसमा संस्थापन इतर समूहको छुट्टै १५ औं महाधिवेशन, गगनको छुट्टै…

संसदमा बालेनः मन भक्कानिँदा पनि एकआपसमा बिलौना गर्ने समय छैन्

क्लिन अप नेपालको १३औँ साधारणसभा सकियो, पारदर्शिता र जवाफदेहितामा जोड