प्रचण्डलाई विश्वासको मत दिने कांग्रेसको निर्णय,गगन,विश्व,प्रदीप र अर्जुनको असहमति

काठमाडौं । नेपाली कांग्रेसले प्रधानमन्त्री पुष्पकमल दाहाल प्रचण्डलाई विश्वासको मत दिने निर्णय गरेको छ । बिहान बिभिन्न चरणमा बसेको पदाधिकारी र कार्य सम्पादन समिति बैठकले प्रचण्ड सरकारलाई विश्वासको मत दिएर प्रतिपक्षीमा बस्ने निर्णय गरेको हो ।

पार्टी निर्णयप्रति महामन्त्रीद्वय गगन थापा र विश्वप्रकाश शर्माले असहमति जनाएका छन । यस्तै, प्रकाशमान सिंह, अर्जुननरसिंह केसी र प्रदीप पौडेलले पनि असन्तुष्टि जनाएका छन । केन्द्रीय सम्पादन समिति बैठकको निर्णय अब केन्द्रीय समिति बैठकले अनुमोदन गर्नेछ ।

यसअघि प्रधानमन्त्री प्रचण्ड विश्वासको मत माग्न कांग्रेस सभापति शेरबहादुर देउवा निवास धुम्बाराही पुगेका थिए ।

यस्तै, नेकपा एकीकृत समाजवादीले पनि प्रधानमन्त्री पुष्पकमल दाहाललाई विश्वासको मत दिने निर्णय गरेको छ । विहान बसेको सचिवालय बैठकले सरकारलाई सशर्त समर्थन गर्ने निर्णय गरेको हो ।

सरकारलाई समर्थन गरेपनि आफूहरु भने प्रतिपक्षीमा बस्ने उपमहासचिव जगन्नाथ खतिवडाले जानकारी दिए ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने