६० जना सवारी साधन चालकको लाइसेन्स निलम्बन प्रक्रियामा

खोज पत्रिका शुक्रबार, २०७९ पुस १, २३ :१९ बजे

काठमाडौं । काठमाडौं उपत्यका ट्राफिक प्रहरी कार्यालयले मंसिर महिनामा मात्रै ६० वटा सवारी चालक अनुमति पत्र (लाइसेन्स) निलम्बनको लागि यातायात व्यवस्था विभाग पठाएको छ । पाँचभन्दा बढी पटक ट्राफिक नियम उल्लंघन गरेको पाइएपछि ती अनुमति पत्र निलम्बनका लागि विभागमा पठाइएको हो ।

सवारी तथा यातायात व्यवस्था ऐन २०४९ र नियमावली २०५४ मा चालकले पालना गर्नु पर्ने सर्त तथा नियमहरू पाँच पटकभन्दा बढी उल्लंघन गरेको पाइएमा निलम्बन गर्न सकिने व्यवस्था गरेको छ । निलम्बनका लागि पठाइएकोमा एक चालक ४४ पटक कारबाहीमा परेका छन् ।

एकजना ३५ पटक, तीन जना २४ पटक र एकजना १४ पटक कारबाहीमा परेका छन् । त्यस्तै सात जना १२ पटक, दुई जना चालक सात पटक र ४५ जना छ पटक कारबाहीमा परेकाले लाइसेन्स निलम्बनको कारबाही अगाडि बढाइएको बताइएको छ । ट्राफिका नियम उल्लघंन गरिरहने चालकहरूबाट नै बढी सवारी दुर्घटना भएको तथ्यांकले समेत प्रष्ट पारेको छ ।