गुल्मीमा गोकर्ण विष्टलाई लगाइयो सुन्तलाको माला

खोज पत्रिका बुधबार, २०७९ मंसिर १४, ०२ :१८ बजे

काठमाडौं । गुल्मी क्षेत्र नम्बर २ मा प्रतिनिधि सभा सदस्य पदमा निर्वाचित नेकपा एमालेका गोकर्ण विष्टलाई फूलको मालाको सट्टामा सुन्तलाको माला लगाइएको छ ।

प्रतिनिधि सभा सदस्य पदमा निर्वाचित भएपछि मतदातालाई धन्यवाद दिन गाउँ गाउँमा पुगेका विष्टलाई स्थानीय कृषकले फूलको माला लगाउने ठाउँमा सुन्तलाको माला लगाई दिएका हुन् ।

मङ्गलवार मतदातालाई धन्यवाद दिन रेसुङ्गा नगरपालिकाको वडा नम्बर–३ को भाडागाउँमा पुगेका विष्टलाई स्थानीय कृषकले सुन्तलाको माला लगाई दिएको बताइएको छ । स्थानीय कृषि उत्पादनलाई बजारीकरणमा टेवा पुराउने उद्देश्यले सुन्तलाको माला लगाइदिएको बताइएको छ ।

जिल्लाको रेसुङ्गा नगरपालिकाको भाडगाउँ र धुर्कोट गाउँपालिकाको नयाँ गाउँ सुन्तला प्रसिद्ध ठाउँ हुन् । यहाँ उत्पादन भएका सुन्तला जिल्ला भित्र र जिल्ला बाहिर पाल्पा, बुटवल, पोखर, काठमाडौं लगायत ठूला शहरमा पुग्ने गर्दछन् । विष्टले लगाएको माला यतिबेला सामाजिक सञ्जालमा भाइरल भइरहेको छ ।