सुनसरी १ बाट जसपाका अशोक राई विजयी,स्वतन्त्र पार्टीकी गोमा तामाङ पराजित

खोज पत्रिका सोमवार, २०७९ मंसिर १२, १३ :२५ बजे

काठमाडौं । सुनसरी १ बाट जनता समाजवादी पार्टीका नेता अशोककुमार राई निर्वाचित भएका छन् । राष्ट्रिय स्वतन्त्र पार्टीकी गोमा तामाङलाई पराजित गर्दै राई प्रतिनिधि सभा सदस्यमा निर्वाचित भएका हुन् ।

राईले १७ हजार ५९ मत ल्याए भने तामाङले १६ हजार ६ सय ६ मत पाइन् । माओवादीका मुक्सामहाङ्ग सुब्बाले १३ हजार ८७ मत ल्याएर तेस्रो भएका छन् ।

यस्तै, राप्रपाका अशोककुमार राईले सात हजार ८ सय ८४, एमालेबाट विद्रोह गरेर स्वतन्त्र उम्मेदवारी दिएका मनोजकुमार मेयाङ्गबोले सात हजार ८ सय १२, अर्का स्वतन्त्र तर्कबहादुर मगरले तीन हजार ८ सय १८, कुमार कार्कीले एक हजार ८ सय ६४, मातृकाप्रसाद भट्टराईले एक हजार ७ सय ६० मत पाएका छन् ।

क्याटेगोरी : जीवनशैली, प्रमुख समाचार, राजनीति, समाचार
ट्याग : #अशोककुमार राई