जाजरकोट प्रदेश सभामा १ मा राजीव विक्रम शाह विजयी

खोज पत्रिका बुधबार, २०७९ मंसिर ७, ०९ :२६ बजे

काठमाडौं । जाजरकोट प्रदेश सभा १ मा नेपाली कांग्रेसका राजीव विक्रम शाह विजयी भएका छन् । बुधबार बिहान गरिएको अन्तिम मतगणना अनुसार शाहले १६ हजार ४० मत प्राप्त गरी विजयी भएका हुन् ।

उनका प्रतिस्पर्धी नेकपा एमालेका खीमबहादुर शाहीले १० हजार ५ सय ३० मत प्राप्त गरेका थिए । उनीहरु बीच ५ हजार ५१० मतान्तरको फरक छ ।

शाह प्रतिनिधि सभामा चुनाव लड्न चाहेका थिए । तर, सत्तारुढ दलहरुभित्र जाजरकोट शक्ति बस्नेतका लागि छोड्नुपर्ने बाध्यता भएपछि प्रदेशमा झरेका हुन् । शाह ०७४ मा माओवादी नेता शक्ति बस्नेतसँग पराजित भएका थिए ।

शाह यसअघि दोस्रो संविधान सभा सदस्य थिए । शाह निर्वाचित भएको प्रदेश १ मा ४६ हजार ४९४ मतदाता रहेकोमा २९ हजार २६ मत खसेको थियो ।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #जाजरकोट प्रदेश सभा १, #राजीव विक्रम शाह