प्रचण्डमाथि मेयर बालेनले उठाए नैतिकताको प्रश्नः काम नगर्ने ठेकेदारको घरमा किन बसेको ?

खोज पत्रिका मङ्लबार, २०७९ साउन ३१, २१ :५४ बजे

काठमाडौं । सिसडोल बञ्चरेडाडा जाने सडक खण्डको ठेक्का पाएका छन् नेकपा माओवादी केन्द्रका अध्यक्ष पुष्पकमल दाहाल प्रचण्डका घरबेटी शारदाप्रसाद अधिकारीले ।

बर्षौदेखि अलपत्र पारेको सडकखण्डकै कारण बारम्बार आन्दोलन भइरहेको छ । पटक–पटक सडक बनाउन ताकेता गरेपनि ठेकेदार अधिकारीले चासो दिएका छैनन् ।

त्यसैले काठमाडौं महानगरपालिकाका मेयर बालेन्द्र साहले नेकपा माओवादी केन्द्रका अध्यक्ष पुष्पकमल दाहाल प्रचण्डमाथि कडा टिप्पणी गरेका छन् । ककनीको बाटो बिजोक बनाउने ठेकेदारको घरमा प्रचण्ड अंगरक्षक जसरी बसिरहेको उनको आरोप छ ।

सामाजिक सञ्जालमा स्टाटस लेख्दै साहले यस्तो आरोप लगाएका हुन् । उनले लेखेका छन्, ‘श्रीमान् प्रचण्डज्य १ उपत्यकाको फोहोर लैजान प्रयोग गरिने ककनीको बाटो विगत ८ वर्षदेखि यस्तो हालतमा बनाउने मान्छेको घरमै अङ्गरक्षक जस्तो बसेर कुन नैतिकताले भन्नु म देश बनाउँदै छु भनेर ।’