निर्वाचनका लागि दल दर्ता गर्ने आज अन्तिम दिन

खोज पत्रिका मङ्लबार, २०७९ साउन ३१, १० :११ बजे

काठमाडौं । आगमी मंसिर ४ हुने गते हुने संघीय र प्रदेश सभा निर्वाचनका लागि दल दर्ताको समय आज सकिँदैछ । आयोगले सार्वजनिक गरेको कार्यतालिका अनुसार दल दर्ता गराउने आज अन्तिम दिन हो ।

नेपाली कांग्रेसले आज निर्वाचनको लागि दल दर्ता गदैछ । कांग्रेसको दल दर्ताको जिम्मेवारी पार्टी मुख्यसचिव कृष्णप्रसाद पौडेललाई दिएको छ । अन्य बाँकी पार्टीहरुले पनि आजै दर्ता गर्ने बताइएको छ ।

निर्वाचन आयोगले आसन्न प्रतिनिधिसभा र प्रदेशसभा सदस्यका लागि गत आइतबारबाट दल दर्ता कार्यक्रम सुरु गरेको थियो । निर्वाचन आयोगमा निर्वाचन प्रयोजनका लागि सबैभन्दा पहिला सिके राउत नेतृत्वको जनमत पार्टी दर्ता भएको थियो । नेकपा एमालेले पनि दल दर्ता गरिसकेको छ ।

क्याटेगोरी : प्रमुख समाचार, राजनीति, समाचार
ट्याग : #नेपाली कांग्रेस, #प्रतिनिधिसभा र प्रदेशसभा, #संघीय र प्रदेश सभा