एमाले अध्यक्ष ओलीले भने चुनावपछि गठबन्धनका नेता ७ दिन उठ्नै सक्दैनन्

खोज पत्रिका शुक्रबार, २०७८ फाल्गुन १३, १९ :५८ बजे

काठमाडौं । प्रमुख प्रतिपक्ष दल नेकपा एमालेका अध्यक्ष केपी शर्मा ओलीले आगामी चुनावमा सत्तारुढ गठबन्धनलाई सात दिन उठ्नै नसक्ने गरी पछार्ने चेतावनी दिएका छन् । गठबन्धनमा सहमति, एमसीसी पास हुने, गठबन्धन पनि नटुट्ने’ समाचार आएको उल्लेख गर्दै उनले उनीहरूलाई एकमुष्ट रूपमा उठ्नै नसक्ने गरी पछार्ने बताएका हुन् ।

शुक्रवार पोखरामा आयोजित पार्टी कार्यकर्ता भेलामा उनले सत्तारुढ गठबन्धन आउँदो चुनावमा धुलोपिठो हुने भयले पनि नटुट्ने तर्क गरे । एमालेले गठबन्धन दलहरूसँग ुवान बाई वानु लड्नुभन्दा एकमुष्ट लड्न चाहेको उल्लेख गर्दै अध्यक्ष ओलीले पाँच वटै दललाई एकमुष्ट रूपमा चुनावमा लड्न चुनौती समेत दिए ।

आफ्नो दल जनताको पवित्र मतबाट विजयी हुने दाबी ओलीको छ । गठबन्धन टुट्यो भने बिचराहरू धुलोपिठो हुन्छन् भन्दै ओलीले ब्यङग्य गरे । वैशाख ३० मा उनीहरूलाई सात दिन नउठ्ने गरी पछार्छौं ।’ सरकारमा बस्नेहरूले नै कार्यकर्तालाई सडकमा उतारेर आफूविरुद्ध ढुंगा हान्न लगाएको उनको आरोप छ ।

क्याटेगोरी : प्रमुख समाचार, राजनीति, समाचार
ट्याग : #७ दिन उठ्नै सक्दैनन्, #केपी शर्मा ओली