एमसीसी पारित गर्ने बिषयमा देउवा ओली नजिक प्रचण्ड माधव टाढा,गठबन्धनमै खटपट

काठमाडौं । अमेरिकी अनुदान सम्झौता एमसीसी संसद्बाट अनुमोदन गराउने विषय पेचिलो बन्दै गएसँगै राजनीतिक दलहरु समेत दुई धुव्रमा विभाजित बनेका छन् । संसदबाट एमसीसी पारित गराउने विषयमा सत्तागठबन्धनमा रहेका पाच दल मध्ये जसपा स्पष्ट खुलेको छैन भने नेपाली कांग्रेस बाहेक अन्य दलहरु बिपक्षमा छन । तर, मुख नखोले पनि प्रमुख प्रतिपक्षी नेकपा एमाले पारित गर्ने पक्षमा छ । पछिल्लो समय एमसिसिमा गठबन्धन भित्र समान धारणा बन्न नसक्दा खटपट समेत सुरु भएको छ । उता यही कारण नेपाली कांग्रेस र प्रमुख प्रतिपक्षी एमाले विच सहकार्य हुन सक्ने संकेत देखिएको छ भने नेताहरु दौडधुप पनि बढ्दो छ ।

प्रधानमन्त्री शेरबहादुर देउवाले एमसिसि सम्झौता संसदबाट पारित गराउन अवरोध भए सत्ता गठबन्धन तोड्न आफू बाध्य हुने चेतावनी गठबन्धनमा रहेका दलहरुलाई दिइसकेका छन । उता नेकपा माओवादी केन्द्र र एकीकृत समाजवादीले सहमतिबिना जवर्जस्ती सम्झौता अघि बढे गठबन्धनबाट बाहिरिने चेतावनी दिएका छन् । एमसीसी सम्झौता पारित गराउने वा नगराउने भन्ने विषयमा गठबन्धनमा साझा धारणा बन्न नसक्दा खटपट समेत सुरु भएको छ । उता जसरी पनि पांचदलिय गठबन्धन टुटाउने रणनीतिमा रहेको नेकपा एमाले भने गठबन्धनमा रोपिएको असमझदारीको फाइदा उठाउने तरखरमा छ ।

एमालेले कांग्रेसलाई गठबन्धन तोडे एकलौटी सरकार चलाउन दिने र एमसीसी पारित गर्न सघाउने प्रस्ताव गरेको छ । यही विषयमा प्रधानमन्त्री देउवा र एमाले अध्यक्ष केपी शर्मा ओली बीच गत आइतबार टेलिफोन वार्ता समेत भएको थियो । एमसीसी पारित गराउने विषयले गठबन्धन भत्किएमा एमालेसँग सहकार्य गर्न पनि प्रधानमन्त्री देउवा तयार देखिएको उनी निकट नेताहरु बताउछन छन । ओलीले पनि दोस्रो तहका नेताहरुमार्फत प्रधानमन्त्री देउवासँग सम्बन्ध बढाउन खोजिरहेका छन् । निर्वाचन र एमसिसिको विषयले नेपाली कांग्रेस र एमाले विच सहकार्य हुनसक्ने प्रवल सम्भावना छ । राष्टिय एझेण्डाको आधारमा सहकार्य हुन सक्ने नेपाली कांग्रेसका नेता नैनसिंह महर समेत स्वीकार्छन् ।

एमसिसिको विषयमा नेकपा एमालेले ठोस धारणा बनाउने बेला नभएको एमाले नेता महेश बस्नेत बताउछन । तर, समयमा निर्वाचन गर्ने विषयमा भने कांग्रेसलाई सहयोग गर्न तयार रहेको नेता बस्नेतले बताए । एमसीसी कै कारण गठबन्धनमा दरार आउन सक्ने देखिएपछि माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादीका अध्यक्ष माधवकुमार नेपालले प्रधानमन्त्रीसँगको भेटघाटलाई बाक्लो बनाएका छन् ।

प्रचण्डले त प्रधानमन्त्री समक्ष स्थानीय निकायको निर्वाचनसम्म एमसीसीको विषय थाँती राख्न समेत आग्रह गरेका छन् । तर, प्रधानमन्त्री देउवाले उनको आग्रहलाई ठाडै अस्वीकार गरेको बताइन्छ । उता मंगलबार नै कांग्रेस नेता रामचन्द्र पौडेल र माओवादी केन्द्रका नेता नारायणकाजि श्रेष्ठ बीच एमसीसी पारित गर्ने विषयमा नै छलफल भएको थियो । सकारात्मक बन्न नसकेको त्यो भेटमा एमसीसीका कारण गठबन्धन टुट्ने कुरामा दुवै नेता सहमत बनेको बताइन्छ । राजनिति सम्भावनाको खेल हो । त्यसैले अब कांग्रेस र एमाले एउटै कित्तामा उभिए पनि अचम्म मान्न नपर्ने अवस्था बलियो बन्दै गएको छ ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्