सिके राउतको पार्टीले गर्यो भ्रष्टाचार आरोपमा खानेपानीका हाकिममाथि दुर्व्यवहार

खोज पत्रिका बिहिबार, २०७८ कार्तिक ४, १७ :५१ बजे

काठमाडौं । मुलुक नै टुक्र्याउने अभियान असफल भएपछि राजनीतिको मूलधारमा आएको सिके राउत नेतृत्वको पार्टीले कर्मचारी माथि दुव्र्यवहार गर्न थालेको छ । सीके राउत नेतृत्वको जनमत पार्टीका कार्यकर्ताले जनकपुरधामस्थित खानेपानी तथा ढल निकास कार्यालय निमित्त प्रमुख राजेश्वर कुशवाहालाई दुर्व्यवहार गरेका हुन् ।

अविरल वर्षातका कारण जनकपुरधाम जलमग्न भएपछि सिके राउतका कार्यकर्ताले कुशवाहालाई दुर्व्यवहार गर्दै नगर परिक्रमा गराएका थिए । कुशवाहालाई अर्धनग्न बनाएर हिलो दली उनीहरूले बजार घुमाएका हुन् । जनकपुरधामको रामानन्द चोकस्थित खानेपानी संस्थानको कार्यालयमा लाठी सहित पुगेका जनमत पार्टीका दर्जनौँ कार्यकर्ताहरुले निमित्त प्रमुख यादवलाई जबरजस्ती कार्यालयबाट बाहिर निकालेर नगर परिक्रमा गराएका थिए ।

कार्यकर्ताहरुले निमित्त प्रमुख यादवको कपडा पनि त्याति दिएका छन् । जनमत पार्टीका नेता कार्यकर्ताहरुले प्रदेश सरकार र जनकपुरधाम उपमहानगरपालिकाका नगर प्रमुख लालकिशोर साह विरुद्ध चर्को नारावाजी समेत गरेका थिए । यादवलाई यसरी नगर परिक्रमा गराई रहँदा प्रहरी प्रशासन भने मुकदर्शक बनेको थियो । दुव्र्यवहार गरिसकेपछि भने करिब एक दर्जन कार्यकर्तालाई प्रहरीले नियन्त्रणमा लिएको छ ।

क्याटेगोरी : प्रमुख समाचार, राजनीति, समाचार
ट्याग : #कर्मचारी माथि दुव्र्यवहार, #सिके राउत