सरकार बनेको दुई पुग्नै लाग्दा पनि भएन मन्त्रिपरिषद बिस्तार, पाँच दलीय गठबन्धनका आ–आफनै दाउ

काठमाडौं । गत असार २९ गते प्रधानमन्त्री नियुक्त भएका प्रधानमन्त्री शेरबहादुर देउवाले अझैसम्म पनि मन्त्रिपरिषद विस्तार गर्न सकेका छैनन् । सत्तारुढ गठबन्धनका शीर्ष नेताहरुको बैठक दिनहुँजसो बालुवाटारमा बस्ने गरको छ । तर मालदार मन्त्रालयको विवादले भागवण्डा नमिल्दा पाँच दलीय गठबन्धन सरकार अझै पनि अन्योलमा छ । सरकार गठन भएको ५४ दिनसम्म पनि मन्त्रीमण्डलले पुर्णता नपाउँदा प्रधानमन्त्री शेरबहादुर देउवाको असक्षमता उजागर भएको छ । देउवा सरकार बनेको दुई महिना बित्न लागि सकेको छ । तर अहिलेसम्म मन्त्रिपरिषद्ले पूर्णता पाउन सकेको छैन । प्रधानमन्त्रीले चार मन्त्री र एक राज्यमन्त्रीको सहयोगमा मुलुक चलाइ रहेका छन ।

देउवाले मन्त्रीपरिषद् विस्तार गर्न नसक्दा महिनौदेखि झन्डै डेढ दर्जन मन्त्रालय नेतृत्व विहिन छन् । कुनै समय सत्ता जोगाउनकै लागी नेपालको इतिहासमा सबैभन्दा ठुलो जम्बो मन्त्रिपरिषद गठन गरेर आलोचित बनेका देउवाले अहिले १ महिना बितिसक्दा पनि मन्त्रीमण्डल बिस्तार गर्न सकेका छैनन । प्रधानमन्त्री देउवाले माधव नेपाललाई सरकारमा सहभागी गराउनकै लागी दल बिभाजन सम्बन्धी अध्यादेस जारी गरेका थिए । अहिले त्यही अध्यादेश उनी आफैलाई गलपासो बनेको छ । अध्यादेशअनुसार एमाले र जसपा छाड्ने प्रदेश र स्थानीय तहका जनप्रतिनिधिलाई आयोगले दल रोज्न २१ दिनको समय दिएको थियो । गत भदौ २ गतेबाट लागु हुने गरी दिएको यो समय सीमा आज ५ बजे सकिएको छ ।

केहि दिनअघि एकीकृत समाजबादी दलका अध्यक्ष माधव कुमार नेपालले २३ गतेसम्म मन्त्रीमण्डलको बिषयमा कोही पनि नबोल्ने बताएका थिए । सत्तारुढ दल नेपाली कांग्रेस र साझेदारी दल माओबादी केन्द्रले समेत माधव नेपालकै कारण मन्त्रीमण्डल बिस्तार हुन नसकेको बताउँदै आएका छन । तर एकीकृत समाजबादी दलका नेता जिवनराम श्रेष्ठ भने त्यो मान्न तयार छैनन् । सत्तारुढ गठबन्धनका शीर्ष नेताहरुको बैठकहरु दिनहुँ जसो बस्ने गरेको छ । तर मालदार मन्त्रालयको विवादले भागवण्डा मिल्न कठिन सकि रहेको छैन ।

गठबन्धनमा आबद्ध दलहरु ठुला मन्त्रालयहरु आफ्नै पोल्टामा पार्ने अडान छन । मन्त्रालयको भागवण्डा उठ्दा बढी बजेट भएका र विकासे मन्त्रालयलाई लिएर दलहरुबीच विवाद बढ्ने गरेको छ । यही कारण गठबन्धनभित्र मन्त्रालयको संख्या र कुन कुन मन्त्रालय लिने भन्ने विषय समेत टुंगिन सकेको छैन । माओवादी केन्द्रका अध्यक्ष प्रचण्डले पार्टीभित्र मन्त्री बन्ने आकांक्षी धेरै हुँदा मन्त्री छान्न सकेका छैनन । प्रधानमन्त्री देउवाले पनि माओबादी केन्द्रलाई कुनकुन मन्त्रालय दिने टुङगो लगाएका छैनन । तर माओबादी केन्द्रका नेता देवप्रसाद गुरुङ भने एकीकृत समाजबादी पार्टीको प्राबिधिक काम पुरा नहुदा मन्त्रीमण्डलले पुर्णता पाउन नसकेको तर्क गर्छन ।

जनता समाजवादी पार्टीका अध्यक्ष उपेन्द्र यादव पनि समस्यामा छन् । मन्त्री बन्नका लागि कतिपय सांसदले गुट परिवर्तन गरेका छन । मन्त्री बन्न नपाए फेरि गुट परिबर्तन गर्न सक्ने खतरा पनि छ । जसपाभित्र मन्त्रीका आकाक्षी धेरै भएपछि ब्यवस्थापनमै समस्या देखिएको छ । जसपाले अध्यक्ष उपेन्द्र यादव, संघीय परिषद अध्यक्ष बाबुराम भट्टराई र नेता अशोक राईलाई मन्त्री छान्ने जिम्मेवारी दिएको छ । यादव अप्ठ्यारो टार्न कै लागी संगठन सुढृढिकरणको बाहानामा मधेश झरेका छन् ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने