प्रचण्डलाई भिम रावलको जवाफः आफू ढलेको नभइ एमाले ढाल्ने षडयन्त्रविरुद्ध उभिएको हुँ

खोज पत्रिका आइतवार, २०७८ साउन १०, ११ :४७ बजे

काठमाडौं । नेकपा एमालेका उपाध्यक्ष डाक्टर भीम रावलले कोही पनि आफ्नो पार्टी फुटाएर अरू कसैका लागि लम्पसार पर्न गठबन्धनमा सामेल नभएको जनाएका छन् । माओवादी अध्यक्ष पुष्पकमल दाहाल प्रचण्डको पछिल्लो अभिव्यक्ति प्रती आपत्ति जनाउँदै रावलले एमाले ढाल्ने षडयन्त्रविरूद्ध उभिएको बताएका छन् ।

वक्तव्य सहित सामाजिक संजालमा लेख्दै रावलले प्रतिनिधि सभाको सदस्यबाट राजीनामा दिएर आफू ‘ढलेको’ नभइ नेकपा एमालेलाई ढाल्ने षड्यन्त्रका विरुद्ध उभिएको प्रष्ट पारेका छन् । उनले आफू स्वस्थ राजनीतिक अभ्यासको पक्षमा उभिएको समेत दावी गरेका छन् । गठबन्धन निर्माण पनि सबैको आ–आफ्नो स्वार्थमा बनेको र साझा स्वार्थ मिल्दासम्म मात्र त्यसमा सहकार्य हुने उनको भनाइ छ ।