जतिसक्दो छिटो खोप उपलब्ध गराउने मोदीको प्रतिबद्धता, देउवा मोदीबीच टेलिफोन संवाद

खोज पत्रिका सोमवार, २०७८ साउन ४, १६ :५९ बजे

काठमाडौं । भारतीय प्रधानमन्त्री नरेन्द्र मोदीले नेपाललाई जतिसक्दो छिटो कोरोना विरुद्धको खोप उपलब्ध गराउने प्रतिबद्धता जनाएका छन् । समकक्षी शेरबहादुर देउवासँग भएको टेलिफोन संवादमा मोदीले भारतले दिन बाँकी १० लाख अस्ट्राजेनेका (कोभिसिल्ड) खोपको मात्रा जतिसक्दो चाँडो उपलब्ध गराउने प्रतिबद्धता जनाएका हुन् ।

संवादमा मोदीले देउवालाई बधाई तथा शुभकामना दिएका थिए । साथै, द्धिपक्षीय हितलाई थप प्रगाढ बनाउने बारेमा पनि दुई समकक्षीबीच छलफल भएको बताइएको छ । टेलिफोन संवादपछि भारतीय प्रधानमन्त्री मोदीले पनि ट्वीट गर्दै कोरोना महामारीविरुद्ध दुई मुलुक मिलेर लड्ने प्रतिबद्धता जनाएको उल्लेख गरेका छन् ।

वृहत हितका साझा विषयमा समेत मिलेर अघि बढ्ने दुई प्रधानमन्त्रीबीच छलफल भएको छ । भारतले नेपाललाई १० लाख डोज अस्ट्राजेनेका खोप दिन अझै बाँकी छ । भुक्तानी लिइसकेर पनि भारतले खोप आपूर्ति गरेको छैन । मोदीले आइतबार राती संसदमा विश्वासको मत हासिल गरेपछि देउवालाई ट्वीटमार्फत बधाई दिएका थिए ।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #कोरोना विरुद्धको खोप, #मोदीले देउवालाई बधाई तथा शुभकामना