नेकपा अध्यक्ष प्रचण्ड फकाउन दिनभर दौडधुप

काठमाडौं । सत्तारुढ दल नेकपा अध्यक्षद्धयको सम्वाद टुटेपछि प्रधानमन्त्री केपी शर्मा ओली निकट नेताहरुले पुष्पकमल दाहाललाई फकाउने प्रयास तीब्र पारेका छन् । कार्यकारी अध्यक्ष दाहालले ओलीसँग भेटन नमानेपछि ओली निकट नेताहरुले दाहाललाई फकाउने प्रयास गरेका हुन् । आज पनि ओलीले परराष्ट्रमन्त्री प्रदीपकुमार ज्ञवालीलाई खुमलटार पठाइएका थिए । ज्ञवाली पछिल्लो तीन दिनमा खुमलटार पुग्ने प्रधानमन्त्री एवं पार्टी अध्यक्ष केपी शर्मा ओली निकट तेस्रो नेता हुन् ।

यसअघि बुधबार संसदीय दलका उपनेता सुवास नेम्वाङ र अर्थमन्त्री एवं पार्टी महासचिव विष्णु पौडेल र बिहीबार प्रदेश ५ का मुख्यमन्त्री शंकर पोखरेल पुगेका थिए । नेताहरुले प्रधानमन्त्री एवं पार्टी अध्यक्ष ओलीसँग सम्वाद गर्न आग्रह गर्दै आएका छन् । दाहालले भने आफू कन्ट्याक्ट ट्रेसिङमा परेकाले बालुवाटार नजाने जवाफ दिँदै आएका छन् ।

कात्तिक ४ मा नेकपाका अध्यक्षद्वय ओली–दाहालबीच कर्णाली विवाद समाधानबारे लामै कुरा भएको थियो । तर आफूसँग भएको सहमति विपरीत ओलीले निर्णय लिएको भन्दै दाहालले भेटवार्ताको निम्तो अस्वीकार गर्दै आएका छन् ।

थप समाचार

तोकिएकै समयमा अधिवेशन नहुने कांग्रेसको निष्कर्ष, सक्रिय सदस्यता नटुंगिनु मुख्य…

बालेनसँग भेटेपछि बाबुरामः नयाँ र वैकल्पिक शक्तिलाई मेरो समर्थन रहन्छ

दिनभर काठमाडौं महानगरका मेयर बालेनको सक्रियता,को को गए भेट्न ?

प्रधानमन्त्रीको गुनासोः काम गर्दागर्दै फेन्ट हुने अवस्था छ, तैपनि अहिले…

आगामी चुनाव नलड्ने विश्वप्रकाश शर्माको घोषणा

शीतल निवासले सरकार–तीन दल खोल्यो छलफलको ढोका, अब बालुवाटारमा जुट्ने