सांसदहरुको जोड भूमि फिर्ता गर्न पहल गरौं

काठमाडौं ३० बैशाख । सांसदहरुले भारतले सडक बनाएको लिपुलेक फिर्ता लिन दिर्घकालिन पहल गर्न सरकारलाई आग्रह गरेका छन् । प्रतिनिधिसभा बैठकमा भारतले नेपालको भूमि मिचेर लिपुलेकमा एक तर्फीरुपमा सडक निर्माण गरेको सम्बन्धमा सरकारको ध्यानाकर्षण गराउँदै फिर्ताका लागि दीर्घकालीन पहल गर्न आग्रह गरेका हुन् । मंगलबार बसेको प्रतिनिधिसभा बैठकको शून्य समयमा उनीहरुले मिचिएको नेपाली भूमि फिर्ता ल्याउन र भारतसँगको सीमा समस्याको दीर्घकालीन समाधानका लागि उच्चस्तरमा कूटनीतिक पहल गर्न माग गरे । बैठकमा सांसदहरु बालकृष्ण खाँड, देवप्रसाद गुरुङ, प्रकाशमान सिंहलगायतले भारतले नेपालको सिमाना मिचेर सडक निर्माण गरेको सम्बन्धमा भत्र्सना गर्दै फिर्ताका लागि पहल गर्न नेपाल सरकारको ध्यानाकर्षण गराएका हुन् । यसैगरी अन्य सांसदहरुले कोरोनाका कारण मजदुर र निम्न वर्गका समुदाय बढी समस्यामा परेको बताउँदै समस्यामा परेकालाई उचित राहतका लागि सरकारको ध्यानाकर्षण गराए । सभामुख अग्निप्रसाद सापकोटाले बैठकमा सांसदहरुले बहुआयामिक विषय उठाएको उल्लेख गर्दै सांसदका प्रश्नमा सरकारको विशेष ध्यानाकर्षण गराएका थिए ।

थप समाचार

मनकामनाबाट फर्केको माइक्रो दुर्घटना, ६ जनाको मृत्यु

एमालेले छान्यो समानुपातिक सांसद (सूचीसहित)

कांग्रेसले निर्वाचनको समीक्षा गर्न चैत पहिलो साताभित्रै केन्द्रीय कार्यसमिति बैठक…

ओलीलाई समवेदना दिँदै बालेनः पिताजस्तो रक्षक, गुरु र देवता कोही…

दुबई एयरपोर्टमा अलपत्र २७२ नेपालीलाई ल्याइयो, आज पनि उद्धार उडान

आजदेखि आधा सिलिन्डरमात्र ग्यास पाइने, मूल्य ९५५