प्रधानमन्त्रीमा प्रचण्डले माधवलाई अघि सार्दा ओलीले बामदेवको नाम लिए

काठमाडौं १८ बैशाख । सत्तारुढ नेकपाको बिबाद छताछुल्ल भएको छ । प्रधानमन्त्री फेरवदलदेखि पाटी अध्यक्षबाट समेत प्रधानमन्त्री ओलीलाई हटाउन खोज्दा नेकपाको बिबाद छताछुल्ल भएको हो । लामो रस्साकस्सी र हस्ताक्षरपछि छलफलमा जुटेका सचिवालय सदस्यहरुकै बीचमा बुधबार चर्काचर्की नै चल्यो । खासगरी बालुवाटारमै प्रधानमन्त्री ओलीका पक्षमा हस्ताक्षर सुरु हुन थालेपछि नेकपाको बिबाद यसै समाधान हुने सम्भावना न्युन छ । सचिवालय बैठकमा नौ जना छन् । केपी शर्मा ओली, ईश्वर पोखरेल, रामबहादुर थापा एकातिर छन् भने अर्को तर्फ पुष्पकमल दाहाल प्रचण्ड, माधव कुमार नेपाल, झलनाथ खनाल, बामदेव गौतम, नारायणकाजी श्रेष्ठ र बिष्णु पौडेल अर्को तर्फ छन् । बहुमत सचिवालय सदस्य प्रचण्डतिर छन् । उनीहरुको एउटै आवाज छ सरकारले जनताको पक्षमा काम गर्न सकेन । सरकार र पाटी अध्यक्षबाट प्रधानमन्त्री ओलीले राजीनामा दिएर बाटो खुला गर्नुपर्ने बताइरहेका छन् । तर, ओली पक्षधर यो मान्न तयार छैन् उनीहरु त बहुमत सांसदको संख्या जुटाउन हस्ताक्षर संकलन नै सुरु गरेका छन् । उनीहरुको दाबी छ संसदमा ओली पक्षधरको बहुमत छ । अर्को तर्फ प्रचण्ड, नेपाल, खनाल भने जसरी भएपनि दुबै पदबाट राजीनामा दिनैपर्ने अडानमा छन् ।

दुबैको रस्साकस्सीले नेकपामा खैलाबैला मच्चिरहेको छ । २० जना स्थायी समिति सदस्यले नै हस्ताक्षर गरेर स्थायी समिति बैठक बोलाउन पत्र बुझाएका छन् । स्थायी समिति बैठकमा अल्पमतमा पर्ने डरले ओली स्थायी समिति बैठक बोलाउने पक्षमा छैनन् । स्थायी समिति बैठक बोलाएरै प्रचण्ड नेपाल ओलीको आलोचना गर्ने रणनिति बनाइरहेका छन् । बुधबारको बैठकमा बैशाख २० मा बस्ने सचिवालय बैठकले स्थायी समिति बैठक बोलाउने या नबोलाउने भन्ने निर्णय गर्ने बताइएको छ । अव स्थायी समिति बैठक कहिले बोलाइन्छ त्यो भने २० गतेको बैठक कुर्नुपर्ने हुन्छ ।
ओलीको प्रस्ताव बामदेव प्रधानमन्त्री
केही दिनअघि सचिवालयका ६ जना सदस्यबीचको एउटा छलफल थियो प्रधानमन्त्रीबाट ओलीलाई हटाएर माधव नेपाललाई बनाउने । नेपालको नेतृत्वमा मन्त्रीमण्डल नै बनाइएको सुचना बाहिर आएपछि बालुवाटारमा हल्लीखल्ली मच्चियो । प्रधानमन्त्रीका सचिवालय देखि ओली निकट नेताहरुले सामाजिक सञ्जालमा तिखो टिप्पणी गर्न थाले । त्यसैमा तल्लो तहका कार्यकर्तामै सामाजिक सञ्जालमा आरोप प्रत्यारोप चल्यो । प्रधानमन्त्री ओली र प्रचण्ड नेपालका छुट्टा छुट्टै गुटगत भेला पनि भए । प्रचण्ड नेपाल त कहिले भैंसीपाटी त कहिले नेपालको निवासमै छलफल चल्यो । प्रचण्डले प्रधानमन्त्रीमा नेपाललाई अघि सारेपछि नेकपा फुट्ने सम्मका आकलंन गरिए । बामदेव त बालुवाटारमै पुगेर प्रधानमन्त्री ओलीलाई बालकोट गएर आराम गर्न सुझाव दिए । यद्यपी गौतमले त्यो नभनेको पनि प्रतिक्रिया दिइरहेका छन् । तर, गौतमले ओलीलाई राजीनामा दिन भने सुझाएको पक्कै थियो । प्रचण्डले नेपाललाई प्रधानमन्त्री बनाउने तयारी गर्दै गर्दा प्रधानमन्त्रीको प्रस्ताव भने बामदेव गौतम तिर गएको छ । गौतमलाई अघि सार्दा उनीहरुको गुट भत्काउन सकिन्छ कि भन्ने सोचमा ओली पुगेका छन् । तर, त्यो सहज छैन् । गौतमलाई प्रधानमन्त्री बनाउन संबिधान बाधक छ । जसका लागि संविधान नै संशोधन गर्नुपर्छ त्यो पनि नेकपाले मात्रै संम्भव छैन् । प्रचण्डले नेपाल र ओलीले गौतमलाई अघि सार्दा अव नेकपामा अर्को समिकरण बन्न लागेको देखिन्छ । हुनत् तेस्रो बरियतामा नेपाललाई अध्यक्ष बनाउने ओलीको प्रस्ताव पनि छ । तर, नेपालले त्यो स्वीकार गर्ने देखिदैन् । अव नेकपाको बिबाद र समिकरण बदलिन्छ या उही रहन्छ त्यो प्रतिक्षाको बिषय बनेको छ ।

बिबादको गाँठो
प्रधानमन्त्री ओलीले दल बिभाजन सहज हुनेगरी अध्यादेश ल्याएपछि बिवाद उत्कर्षमा पुगेको हो । देश कोरोनाको जोखिम कम गर्न लकडाउन गरेको अवस्थामा दल बिभाजन गर्नेगरी ल्याइएको अध्यादेशले प्रधानमन्त्री ओलीलाई समस्या पार्यो । सबै घरभित्रै बसेको बेला राजनीतिक गतिविधि शुन्य रहेको अवस्थामा किन अध्यादेश ल्याइयो भन्ने अझै खुल्न सकेको छैन् । तर, संघीय समाजवादी पाटी नै फुटाउन अध्यादेश ल्याएको खबर बाहिरिएपछि समाजबादी र जनता दल नै एकीकरण हुन पुग्यो । पाटी फुटाउन तयार भएका नेताहरु नै पछि हटे । जसका कारण प्रधानमन्त्री ओलीको चौतर्फी आलोचना भयो । सांसद अपहरण काण्डले त झन समस्या बनायो । चौतर्फी आलोचनापछि प्रधानमन्त्री ओलीले अध्यादेश त फिर्ता लिए तर बिबाद झन बल्झिरहेको छ । हुनत् नेकपामा सचिवालय बैठकले बामदेव गौतमलाई राष्टिय सभामा पठाउने निर्णय गरेको थियो । तर, प्रधानमन्त्री ओलीले गौतमलाई पठाउने निर्णय कार्यान्वयन नगरेपछि बिबाद चर्कीएको थियो । प्रधानमन्त्रीको मृगौला प्रत्यारोपण र त्यसपछि कोरोनाको त्रासले नेताहरु केही सामसुम जस्तो देखिएका थिए । तर, अध्यादेशले सेलाएको बिबाद फेरि बल्झाइदिएको छ ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्