कोरोना संक्रमणबाट अमेरिकामा एकैदिन करिब दुई हजारको मृत्यु

खोज पत्रिका आइतवार, २०७६ चैत्र ३०, ११ :४५ बजे

काठमाडौं ३० चैत । विश्वभर कोरोना भाइरसबाट मृत्यु हुनेको संख्या करिब एक लाख ९ हजार पुगेको छ । रोकथाम र निको हुने भन्दा मर्ने र थप संक्रमित हुने मात्रा बढेपछि कोरोना संक्रमण रोक्न थप चुनौतीपूर्ण भएको छ । पछिल्लो तथ्याङ्क अनुसार १७ लाख ८० हजार भन्दा बढी संक्रमित छन् । यस्तै, चार लाख तीन हजार उपचारपछि निको भइ घर फर्केका छन् । सबैभन्दा ठूलो अशर अमेरिका र युरोपेली मुलुकमा परेको छ । पछिल्लो २४ घण्टामा अमेरिकामा १८ सय ३० जनाको मृत्यु भएको छ । अमेरिकामा मृत्यु हुनेको संख्या २० हजार नाघेको छ । यस्तै, बेलायतमा एकैदिन ९ सय १७ जनाको मृत्यु भएको छ भने फ्रान्समा ६ सय ३५, इटालीमा ६ सय १९ र स्पेनमा ५ सय २५ जनाको मृत्यु भएको छ । बेल्जियममा पनि पछिल्लो २४ घण्टामा ३ सय २७ जनाको ज्यान गएको छ ।

क्याटेगोरी : देश/दुनियाँ, विदेश, समाचार, स्वास्थ्य