म्यानचेस्टर सिटीको ह्याट्रिक, १ सय १६ वर्षपछि सानदार जित

खोज पत्रिका आइतवार, २०७६ जेष्ठ ५, ०१ :१२ बजे

काठमाडौं ५ जेठ । इंग्लिस प्रिमियर लिग फुटबल च्याम्पियन म्यानचेस्टर सिटीले घरेलु उपाधिमा ह्याट्रिक गर्न सफल भएको छ । काराबाओ कप अर्थात लिग कप र प्रिमियर लिगको उपाधि जितेको पेप गार्डिवलाको टिम म्यानचेस्टर सिटीले एफए कप फुटबलको उपाधि सानदार जितेको हो । शनिबार राति भएको फाइनलमा वाट्फोर्डमाथि शानदार जित निकाल्दै म्यानचेस्टर सिटीले उपाधि पाएको हो । घरेलु मैदानमा भएको खेलमा म्यानचेस्टर सिटीका लागि गाब्रिएल जिसस र रहिम स्ट्रर्लिङ्गले दुई–दुई तथा डेविड सिल्भा र केविन डी ब्राउनले एक–एक गोल गरेका थिए । सिटीले १ सय १६ वर्षपछि एफए कपमा सबैभन्दा फराकिलो जित निकालेको हो । सन् १९०३ मा एफए कप फाइनलमा बरीले डर्बीलाई ६–० ले हराएको थियो ।

क्याटेगोरी : देश/दुनियाँ, प्रमुख समाचार, समाचार
ट्याग : #khel