क्राइस्टचर्च गोलीकाण्ड भएको स्थानमा पुगिन प्रधानमन्त्री

काठमाडौं २ चैत । न्युजिल्याण्डमा कम्तिमा ४९ जनाको ज्यान जाने गरि शुक्रबार क्राइस्टचर्चका दुई मस्जिदमा भएको आक्रमणपछि प्रधानमन्त्री पुगेकी छन् । प्रधानमन्त्री ज्यासिन्डा आर्डर्न र क्राइस्टचर्चकी मेयर लियानी डाँल्जेलले क्राइस्टचर्चका मुस्लिम समुदाय र मृतकका आफन्तसँग भेटघाट गर्न सो स्थानमा पुगेकी हुन् । भेटमा उनीहरुले पीडित र उनीहरुका परिवारका सदस्यालाई सान्त्वना दिने प्रयास गरिन । देश पीडितको पक्षमा रहेको र आतंकवाद विरुद्ध लाग्ने प्रतिबद्धता प्रधानमन्त्री ज्यासिन्डाले व्यक्त गरेकी छन् । दुई मस्जिदमा भएको आक्रमणमा अरु ४८ जना घाइते भएका छन् र घाइते मध्ये दुईजनाको अवस्था गम्भीर छ ।अस्ट्रेलियाली नागरिकले गरेको आक्रमणमा ज्यान गुमाउनेमा अधिकांश मुस्लिम समुदायका छन् । यस्तै मृतकको अन्तिम संस्कार उनीहरुको धार्मिक संस्कार अनुसार गर्ने व्यवस्था मिलाउने प्रतिबद्धता पनि प्रधानमन्त्री ज्यासिन्डा र क्राइस्टचर्चकी मेयर लियानीले व्यक्त गरेका छन् । यसैबिच आक्रमणमा संलग्नलाई अदालतमा पेश गरिएको छ । शुक्रबार भएको आक्रमणमा संलग्न अस्ट्रेलियाका २८ वर्षे ब्रेन्टन ट्यारेन्ट रहेको न्युजिल्याण्डको प्रहरीले जनाएको छ । उनलाई जेलको सेतो लुगा र हत्कडी लगाएको अवस्थामा अदालत पेश गरिएको हो ।उनीविरुद्ध अरु मुद्दाहरु पनि दर्ता हुने सम्भावना छ । प्रधानमन्त्री ज्यासिन्डा आर्डर्नका अनुसार ट्यारेन्टसँग पाँचवटा बन्दुक थियो । यस्तै उनीसँग फायरआर्म्सको लाइसेन्स पनि थियो । प्रधानमन्त्री ज्यासिन्डाले बन्दुक सम्बन्धी देशको कानुन परिवर्तन गरिने बताएकी छन् ।

थप समाचार

सुदूरपश्चिमका वन मन्त्रीलाई राजीनामा दिन दवाव

इजरायल र इरानका नेपालीलाई परराष्ट्रले भन्यो-बाहिर ननिस्कनू, नेपालबाट त्यता नजानू

बालुवाटारमा सत्तारुढ दलका शीर्ष नेताको छलफल, धेरैपछि गगन थापाको पनि…

चक्रे मिलनमाथि खुँडा प्रहारले गयो दिपक मनाङेको सांसद पद

शास्त्रीको निधनमा कांग्रेसले तीन दिन झण्डा आधा झुकाउने

प्रधानमन्त्री ओली र पूर्वराष्ट्रपति भण्डारीबीच डेढ घण्टा कुराकानी