इयुबाट बाहिरिने प्रस्ताव बेलायती संसदमा अस्वीकृत

काठमाडौं ३० फागनु । बेलायतको संसदले युरोपियन युनियनबाट बिना कुनै सम्झौता बाहिरिने प्रस्ताव पनि अस्वीकृत गरेको छ । प्रधानमन्त्री टेरिजा मे को प्रस्तावको पक्षमा ३ सय ८ तथा विपक्षमा ३ सय १२ मत परेको हो । यसअघि मंगलबार युरोपिन युनियनबाट बेलायत बाहिरिने सम्बन्धी प्रधानमन्त्री टेरिजा मे को प्रस्ताव अर्थात ‘ब्रेक्सिट डिल’ दोस्रो पटक संसदमा अस्वीकृत भएको थियो । ब्रेक्सिट सम्बन्धी प्रधानमन्त्री मे को योजनाको विपक्षमा ३ सय ९१ तथा पक्षमा २ सय ४२ मत परेको परेको थियो । त्यसअघि जनवरी १५ मा भएको मतदानमा ब्रेक्सिट सम्बन्धी प्रधानमन्त्री मे को योजनाको विपक्षमा ४ सय ३२ सांसदले मत दिएका थिए । त्यो बेला उनको योजनाको पक्षमा २ सय २ सांसदले मत दिए । दोस्रो पटकको प्रयास पनि असफल भएपछि बिना कुनै सम्झौता इयुबाट बाहिरिने प्रस्तावमा संसदमा मतदान भएको हो । तर, त्यो प्रस्ताव पनि चार मतले पराजित भयो । कानुनी रुपमा अझै पनि बेलायत इयुबाट बाहिरिने आधार छन् ।  तर सांसदले ब्रेक्सिट रोक्का लागि मतदान गर्न सक्ने छन् । यसबारे बेलायती संसदमा बिहीबार मतदान हुनेछ । यो प्रस्ताव पारित भएमा बेलायत पूर्व निर्धारित मार्च २९ देखि इयुबाट बाहिरिने छैन।

थप समाचार

पूर्वराष्ट्रपति भण्डारीलाई विमानस्थलमै ५१ किलोको माला

प्रधानमन्त्रीलाई बालेनको आग्रहः लिपुलेक हाम्रो हो भनेर चीनलाई सम्झाउन नबिर्सनुहोस्

रोहितको उत्कृष्ट शतकमा साउथ अष्ट्रेलियामाथि नेपालको जित

आन्दोलनरत उखु किसानले भदौ २५ गतेदेखि अनिश्चितकालिन राजमार्ग बन्द गर्ने

प्रचण्डले देशलाई संकटमा हालेका थिए, ओलीले सुधारेः शंकर पोखरेल

स्पेनबाट कुलमानको सन्देशः सही नेतृत्व नहुँदासम्म देश अघि बढ्दैन