बिप्लवको कडा बिज्ञप्ती, ३० गते नेपाल बन्द

काठमाडौं २५ फागुन । प्रधानमन्त्री केपी शर्मा ओलीले पछिल्लो समय नेत्रबिक्रम चन्द बिप्लव नेतृत्वको नेकपालाई लुटेराको संज्ञा दिएपछि उक्त दल थप सरकारसँग चिढिएको छ । उसले केपी ओली नेतृत्वको सरकारले आफ्ना नेता तथा कार्यकर्तामाथि गरेको दमनको विरोधमा विप्लव नेतृत्वको नेपाल कम्युनिस्ट पार्टीले आन्दोलनका कार्यक्रम सार्वजनिक गरेको छ । विज्ञप्तिमा प्रधानमन्त्री ओली र नेकपा अध्यक्ष पुष्पकमल दाहालले धम्की र प्रहरी परिचालन गरिरहेको भन्दै आपत्ति जनाएको छ । उसले सरकारी दमन नरोकिए त्यसको प्रतिरोध गर्ने समेत चेतावनी दिएको छ । आफना नेता तथा कार्यकर्ता पक्राउ गरेको भन्दै तत्काल रिहाईको माग गरेको छ । आन्दोलनका कार्यक्रम अन्तर्गत शनिबार र आइतबार प्रचार प्रसार गर्ने, फागुन २७ गते कोणसभा गर्ने , फागुन २८ गते सरकारविरुद्ध र्‍याली निकाल्ने कार्यक्रम छन् । त्यसैगरी फागुन २९ गते मसाल जुलुसहितको र्‍याली निकाल्ने र फागुन ३० गते नेपाल बन्द गर्ने कार्यक्रम तय गरिएको विज्ञप्तिमा उल्लेख छ । केही दिन अघि भएको कपिलवस्तुको गोली काण्ड, देशभर सेना–प्रहरी परिचालन गरी गरिएको दमनको विरोधमा आन्दोलनका कार्यक्रम सार्वजनिक गरिएको विज्ञप्तिमार्फत उल्लेख गरिएको छ । बिप्लव लगायतका केही नेता यतिबेला भूमिगत जस्तै बनेका छन् ।

थप समाचार

२१ निर्वाचन क्षेत्रमा पार्टीभित्र ठूलो अन्तर्घातले काँग्रेस पराजित भयो

निर्वाचन आयोगद्वारा प्रधानमन्त्री कार्कीसमक्ष निर्वाचन प्रतिवेदन पेश

गगन थापाको राजीनामा अस्वीकृत,यी हुन् अस्वीकृत गर्ने आधारहरू

रविलाई बालुवाटारमा प्रधानमन्त्रीले भनिन्– देश रोएको छ, सम्हालिएर अघि बढ्नू

‘फेवातालको किनारबाट सिंहदरबारलाई अल्टिमेटमः ‘भाषणको रेल होइन, बाँच्ने आधार चाहियो’

पूर्वप्रधानमन्त्री देउवा सिंगापुरबाट हङकङ प्रस्थान