८ सन्तानका पिता बने म्याराडोना

काठमाडौ २५ फागनु । अर्जेन्टिनाका फुटबल लेजेण्ड डिएगो म्याराडोना ८ सन्तानका पिता बनेका छन् । उनले क्युवाबाट तीन बालबालिका एडप्ट्ड गरेका छन् । म्याराडोनाले क्युवाका तीन बालबालिकाको अभिभावकत्व लिएको उनका वकिलले पुष्टि गरेका छन् । विश्वकप विजेता ५८ वर्षका म्याराडोनाले यसअघि एकपटक पूर्व श्रीमतीसँगका सन्तान बाहेक अरु सन्तान नहुने बताएका थिए । म्याराडोना सन्तान एडप्ट्ड गर्नका लागि हवाना गएको र यो वर्षको अन्त्यतिर आफ्ना थप भएका तीन सन्तान सार्वजनिक गर्ने वकिल मातिएस मोर्लाले बताएका छन् । दुई आमाबाट जन्मिएका बालबालिकाले म्याराडोनाको नाम जोड्न पाउने छन् । कोकिनको लत छुटाउने क्रममा म्याराडोनाले सन् २००० देखि २००५ सम्म धेरै समय क्युवामा बिताएका थिए । त्यस क्रममा उनी तत्कालीन राष्ट्रपति फिडेल क्यास्ट्रोका साथी बनेका थिए । म्याराडोनाले क्यास्ट्रोको अनुहारको ट्याटु आफ्नो गोडामा बनाएका छन् ।

म्याराडोनाले क्लाउडिया भिलाफेनीबाट जन्मिएका जिएन्निना र डाल्मामात्रै आफ्नो सन्तान रहेको बताएका थिए । २० वर्षको वैवाहिक जीवनपछि सन् २००३ मा क्लाउडिया र म्याराडोनाको सम्बन्ध बिच्छेद भएको थियो ।तर त्यसपछि म्याराडोनाले डिएगो जुनिएर र जानालाई उनीहरुका आमासँग कानुनी लडाईँ जितेर अपनाएका थिए । यस्तै भेरोनिका ओजेडासँगको सम्बन्धबाट म्याराडोनाले अर्को सन्तान जन्माएका छन् । उनका छोरा डिएगो फेर्नान्डो ६ वर्षका भए ।

थप समाचार

आफ्नो वरिपरिकालाई मात्रै नेतृत्वका लागि योग्य ठान्ने ओली प्रवृत्ति अन्त्य…

सशस्त्र प्रहरी प्रमुख अर्यालको तीन तीन वर्षे उपलब्धिसँगै निर्वाचनलक्षित सुरक्षा…

जेन–जी युवाहरुको चेतावनीः विदेशमा रहेका नेपालीहरुको मताधिकार सुनिश्चित गर्न नसके…

मानव-वन्यजन्तु द्वन्द्व र वन डढेलोको कारण मिचाहा प्रजाति पनि एक…

सञ्चारमन्त्रीको टिप्पणीः नेताहरु घाटमा जाने बेलासम्म पनि आफैँ नेता, अध्यक्ष…

सेनामा ३ सय ८८ जनालाई रोजगारी खुल्यो