क्यानडाका प्रधानमन्त्री संकटमा

काठमाडौ २१ फागुन । क्यानडाका प्रधानमन्त्री जस्टिन ट्रुडोमाथिको संकट बढ्दै गइरहेको छ । सरकारले भ्रष्टाचारका सम्बन्धमा गरिरहेको अनुसन्धानमा अविश्वास प्रकट गर्दै प्रभावशाली मन्त्री जेन फिलपोटले राजीनामा दिएपछि ट्रुडोमाथिको संकट बढिरहेको हो । राज्य कोष बोर्डकी अध्यक्ष समेत रहेकी मन्त्री फिलपोटले आफ्नो अन्तर मान्यता, नैतिक जिम्मेवारी र संवैधानिक दायित्वको बोकेर काम गरेको बताएकी छन् । इन्जिनियरिङ्ग फर्म एसएनसी–लाभालिनले गरेको भ्रष्टाचारका सम्बन्धमा भइरहेको अनुसन्धानको पारदर्शितामा फिलपोटले शंका गरेकी छन् । प्रधानमन्त्री ट्रुडोले भने एसएनसीका सम्बन्धमा भइरहेको भ्रष्टाचार मुद्दाको सुनुवाईमा कुनै पनि किसिमको राजनीतिक हस्ताक्षेप नगरिएको बताउँदै आएका छन् । विपक्षी कन्जरभेटिभ पार्टीका सदस्यले गएको साता लिबरल प्रधानमन्त्री ट्रुडोको राजीनामा उल्लेख गरेका थिए । पछिल्लो समय भइरहेका विभिन्न सर्वेक्षणले प्रधानमन्त्री ट्रुडोको चर्चा कम हुँदै गएको देखिएको थियो । क्यानडामा आउँदो अक्टोबरमा चुनाव हुन लागेको छ ।

थप समाचार

सर्वपक्षीय बैठकमा प्रधानमन्त्री कार्कीः निर्वाचनलाई संकट हैन, खुशीको रुपमा लिऔं

सिंहदरबार बैठकमा रास्वपाको दाबीः दलका नेता, उम्मेदवार र मतदाताको सुरक्षाको…

कांग्रेस सभापति देउवा र एमाले अध्यक्ष ओलीबीच छलफल

तारिख बुझ्न अदालत पुगेका रवि लामिछानेले भनेः ओलीले लगाएको ‘गुन’…

रवीन्द्र मिश्रले फैलाएको अफावाहबाट भ्रममा नपर्न राप्रपाको आग्रह

विदेशबाट मतदान तथा अन्तर क्षेत्र निर्वाचनको कानुनी मस्यौदा तयार, होला…