अनुदानको गहुँको बिउँले किसान हर्षित

शिवु खनाल

दाङ, २४ चैत्र । जिल्लाको लमही नगरपालिका २ केरुनीयाका छेदु चौधरी यतिबेला मख्ख छन् । विगतमा स्थानिय जातको गहुँ लगाउँदै आएका चौधरीले अहिले खेतमा लमही नगरपालिका कृषि विकास उप शाखाले अनुदानमा उपलब्ध गराएको उन्नत जातको गहुँ राम्रो उत्पादन हुने भएपछि मख्ख परेका हुन् । उनले ५ कठ्ठा जग्गामा गहुँ खेती गरेका छन् । यस्तै लमही नगरपालिका २ सोनपुरका गुजारीलाल चौधरी पनि उत्पादन वृद्धि हुनेमा ढुक्क देखिन्छन् । नगरपालिका कृषि विकास उप शाखाले ५० प्रतिशत अनुदानमा उपलब्ध गराएको उन्नत जातको गहुँको बिउ लगाएका उनि पनि यसवर्ष उत्पादन हुनेमा आशावादी छन् । साढे ६ कठ्ठा जग्गामा गहुँ लगाएका उनको खेतमा लहलाउँदो गहुँका बाला झुलिरहेको छ । नगरपालिकाले गहुँमा किसानहरु लाई आकर्षित गर्दै आत्मनिर्भर बनाउने उद्देश्यका साथ लमही नगरपालिका अन्र्तगत व्यवसायिक किसानहरुलाई ५० प्रतिशत अनुदानमा गहुँको बिउ उपलब्ध गराएको नगर प्रमुख कुलबहादुर केसीले बताए । केसीले लमही नगरपालिका अन्र्तगत व्यवसायिक किसानहरुलाई आयआर्जनको लागि विभिन्न सिपमुलक तालिम सञ्चालन गरेको जानकारी दिए । लमही नगरपालिका कृषि विकास उप शाखा प्रविधिक गंगा चौधरीले नगरपालिकाले ४६ कुन्टल गहुँको बिउ उपलब्ध गराएको बताइन । नगरले हरितक्रान्ति कृषि सहकारी संस्था बापत किसानलाई अनुदानमा विउ उपलब्ध गराएको थियो ।

थप समाचार

संवैधानिक इजलासको आदेशः प्रतिनिधिसभा विघटनविरुद्ध अन्तरिम आदेश जारी भएन

राष्ट्रपति पौडेलेको कतार भ्रमण मन्त्रिपरिषद्‌बाट स्वीकृत

वरिष्ठ अधिवक्ता भण्डारीको जिकिरः भदौ २३ को घटना छानबिन गर्न…

आन्दोलनरत नर्सहरूका माग तत्काल सम्बोधन गर्न सरकारसँग प्रचण्डको माग

ओली सामु आत्मसमर्पण गर्नेहरुले नेकपा एसको औचित्य पुष्टि भएन भनिरहेका…

जनभावना सम्बोधनका लागि त्याग गर्न तयार बनौंः जनार्दन शर्मा