प्रदेश दुईमा एसईईका बाँकी सबै विषयका परिक्षा स्थगित

काठमाडौं १५ चैत । राष्ट्रिय परिक्षा बोर्डले प्रदेश दुईमा एसईईका बाँकी सबै विषयको परिक्षा स्थगित गरेको छ। परिक्षा अघि नै विज्ञान र सामाजिक विषयको प्रश्नपत्र बाहिरिएपछि बोर्डले प्रदेशभरकै परिक्षा स्थगित गरेको हो।शुक्रबार साँझ शिक्षा मन्त्रालयमा पत्रकार सम्मेलन गर्दै शिक्षा बिज्ञान तथा प्रविधि मन्त्री गिरिराजमणि पोखरेलले अति सुरक्षित रहने प्रश्न पत्र बाहिरिनु गम्भिर भएको भन्दै प्रहरीको केन्द्रीय अनुसन्धान ब्युरोसीआईबीले अनुसन्धान थालिसकेको जानकारी दिए।‘ मन्त्री पोखरेलले यो अप्रिय घटना भएको भन्दै आपराधिक घटनाका रुपमा लिएको बताए । कानुनी दायरामा ल्याउन प्रतिबद्ध रहेको मन्त्री पोखरेलले बताए । बिहीबार विज्ञान विषयको परिक्षा भएपनि प्रश्न पत्र बाहिरिएको सार्वजनिक भएपछि रद्ध गरिएको थियो। शुक्रबार हुने भनिएको सामाजिक विषयको पनि प्रश्न पत्र बाहिरिएको सार्वजनिक भएपछि त्यस विषयको भने परिक्षा नै नभई स्थगित भएको थियो। विज्ञान विषयको परिक्षा आगामी चैत २२ गते हुने र बाँकी विषयको परिक्षाको तालिका यसै महिनाभित्र सार्वजनिक गरिने मन्त्रालयले जनाएको छ।

थप समाचार

संक्रमणकालिन अवस्थाको गम्भीर असर मुलुकको आर्थिक वृद्धिदरमा पर्ने

५ हजार कैदी अझै फरारः खोजतलासका लागि कार्यदल गठन

गृहमन्त्रीले जेन–जीका माग पूरा गर्दैनन्ः सुदन गुरुङ

सुशासन र सुरक्षाका चुनौतीबीच दृढ नेतृत्व प्रदर्शन गर्नेछुः महानिरीक्षक कार्की

नेशनल आइडी कार्ड बनाएका नेपालीले मतदाता नामावली संकलन गर्न अनलाइन…

इप्पान अध्यक्ष कार्की भन्छन्ः १० महिना भइसक्यो, वनमा छिर्न पाइँदैन,…