गोवाको मुख्यमन्त्रीले लिए राति २ बजे शपथ

काठमाडौं ५ चैत । भारतको गोवाका मुख्यमन्त्री मनोहर पर्रिकरको निधन भएपछि विधानसभाका सभामुख प्रमोद सावंतले मंगलबार राति दुई बजे मुख्यमन्त्रीको शपथ लिएका छन् । उनले राजभवनमा राति मुख्यमन्त्रीको शपथ लिएका हुन् ।सावंतसँगै ११ विधायकले मन्त्रीको शपथ लिएका छन् । पर्रिकर सरकारमा रहेका ९ सहित महाराष्ट्रवादी गोमांतक पार्टीका सुधिन धवलिकर र गोवा फर्वार्ड पार्टीका अध्यक्ष विजय सरदेसाईले मन्त्रीको पनि शपथ लिएका हुन् । धवलिकर र सरदेसाईलाई उप मुख्यमन्त्रीको जिम्मेवारी पाउने देखिएको छ । सोमबार दिउँसो पर्रिकरको अन्तिम संस्कारपछि गोवामा राजनीतिक सरगर्मी बढेको थियो । आइतबार बेलुका नै केन्द्रीय मन्त्री नितिन गडकरी गोवा पुगेका थिए । सोमबार अबेर राति उनी पार्टी तथा समर्थक पार्टीका विधायकको पत्र लिएर राजभवन पुगेका हुन् । ४० सिटको गोवामा अहिले ३६ विधायक छन् । कांग्रेसका १४ र भाजपाका १२ विधायक छन् । अरु स्थानीय पार्टीका विधायक छन् ।

थप समाचार

मिटरब्याजलाई गम्भीर आर्थिक अपराध घोषणा गर्ने तयारी, विशेष ऐन र…

सुकुम्बासी समस्या समाधानका लागि जग्गाको स्वामित्वभन्दा आवासको सुनिश्चितता आवश्यक :…

सन् २०२६ को पहिलो ६ महिनामा चीनको वैदेशिक व्यापारमा १६.९…

प्रधानमन्त्री र गृहमन्त्रीले पनि ट्राफिक नियम उलंघन गरेका छन्, कारबाही…

इरानसँगको सम्झौता समाप्त भएको अमेरिकी राष्ट्रपति ट्रम्पको दाबी

मानव अधिकार आयोगले सिफारिस गरेका प्रतिबेदन कार्यान्वयनमै सरकारको आलटाल