कर्मचारी भर्ना नगर्न प्रदेश दुई सरकारको लोकसेवा आयोगलाई पत्र

काठमाडौं ३ बैशाख । प्रदेश दुई सरकारले आफनो मातहतमा रहेका कार्यालयमा कर्मचारी भर्नाको प्रक्रिया अघि नबढाउन लोकसेवा आयोगलाई पत्र पठाएको छ । मुख्यमन्त्री लालबाबु राउतले प्रदेश दुई सभामा लोकसेवा सम्बन्धि बिद्येयक पेश भएको स्मरण गराउँदै कर्मचारी भर्ना प्रक्रिया अघि नबढाउन पत्र पठाएका हुन् । नेपालको संविधानको धारा २२७ मा गाउँपालिका र नगरपालिकाको कर्मचारी र कार्यालय सम्बन्धि अन्य ब्यवस्था प्रदेश कानुन बमोजिम हुने ब्यवस्था रहेको छ भने धारा २८५ को उपधारा ३ मा प्रदेश मन्त्रीस्तरीय, गाउँ कार्यपालिका र नगर कार्यपालिकाले आफनो प्रशासन सञ्चालन गर्न आवश्यकता अनुसार कानुन बमोजिम बिभिन्न सरकारी सेवाहरुको गठन र सञ्चालन गर्न सक्नेछन् भन्ने ब्यवस्था रहेको पत्रमा उल्लेख गरिएको छ । सोही बमोजिम प्रदेश दुई को हकमा प्रदेश निजामति सेवा ऐनको बिद्येयक प्रदेश सभामा पेश भई अन्तिम चरणमा रहेको जानकारी मुख्यमन्त्री राउतले पत्रमा जानकारी दिएका छन् । उनले प्रदेशस्तर र १ सय ३६ स्थानीय तहको हकमा कर्मचारी भर्ना सम्बन्धि बिज्ञापन नगरिदिन अनुरोध गरेका छन् । पत्रमा संघीय मामिला तथा सामान्य प्रशासन मन्त्रालयमा बोधार्थ पठाइएको छ ।

थप समाचार

अप्टिकल व्यवसायका समस्या समाधानमा गर्ने कार्यवाहक मेयर डंगोलको प्रतिबद्धता

प्रधानमन्त्री र गृहमन्त्रीले पनि ट्राफिक नियम उलंघन गरेका छन्, कारबाही…

मानव अधिकार आयोगले सिफारिस गरेका प्रतिबेदन कार्यान्वयनमै सरकारको आलटाल

खानेपानी योजनामा सुस्तता र समन्वय अभावप्रति सांसदहरुको चिन्ताः ‘एक घर,…

सभामुखलाई प्रयोग गरिएको शब्दले प्रतिनिधिसभा बैठक नै प्रभावित

गोविन्दबहादुर कार्की मुख्यसचिवमा नियुक्त