रुकुममा बिहे हेर्न गएका एक घरका तीन युवतीमध्ये दुई मृत भेटिए, एक अझै बेपत्ता

खोज पत्रिका मङ्लबार, २०८२ फाल्गुन २६, २१ :५४ बजे

रुकुमपश्चिम । रुकुम पश्चिममा आफन्तको बिहे हेर्न गएका एकै परिवारका तीन युवतीमध्ये दुई जना मृत भेटिएका छन् भने एक अझै बेपत्ता रहेकी छन् । बाँफिकोट गाउँपालिका वडा नं ३ भाग्ने नजिकै सानोभेरी नदीमा उनीहरूको शव भेटिएको हो ।

सोमबार स्थानीय नीराजन वलीका दुई छोरी १५ वर्षकी उर्मिला वली र १२ वर्षकी कल्पना वली तथा पूर्णबहादुर वलीको १३ वर्षीय छोरी सपना वली विद्यालयबाट फर्केर आफन्तको बिहेमा गएको मङ्गलवार बिहान स्थानीयले घाँस काट्ने क्रममा भेरी नदीमा शव भेटिएको हो ।

‘तीन जनामध्ये उर्मिला र कल्पनाको शव दुई ती सय मिटरको दुरीमा भेटिएको हो । सपनाको केही पत्तो लागेको छैन । उर्मिला र कल्पनाका बुवा नीराजन वली साइला हुन् भने सपनाका बुवा पूर्णबहादुर माइला हुन् । नीराजन कान्छी श्रीमती बिहे गरेर मजदुरीका लागि भारत गएका छन् ।

‘बिहेबाट फर्कनेक्रममा पुल नतरेर खोलाबाट हिँडेको र अलिक अफ्ठेरो ठाउँबाट तीनै जनाले हात बाँधेर तर्दा एकलाई बगाएपछि अर्कोलाई तानेको आशंका गरिएको छ ।

उनीहरू सोमबार बेलुका घरदेखि पारीपट्टिको गाउँमा रहेको आफन्तको बिहे हेर्न गएका थिए । बिहे हेरेर घर फर्किने क्रममा उनीहरू पुल नतरेर गाडी वारपार गर्न बनाइएको नदीको बाटो फर्किएकाले उनीहरूलाई बगाएको आशंका प्रहरीको छ ।

क्याटेगोरी : प्रमुख समाचार, समाचार, सामाजिक सञ्जाल