सुनसरीमा बस र विङ्गर ठोक्किँदा ३ को मृत्यु, १६ जना घाइते

काठमाडौं । सुनसरीको भोक्राहा नरसिंह गाउँपालिका३ मा बस र विङ्गर एक आपसमा ठोक्किँदा तीन जनाको मृत्यु भएको छ । घटनामा १६ जना घाइते भएका छन् ।

काँकडभिट्टाबाट खोटाङको दिक्तेलतर्फ जाँदै गरेको मे १ ख १७९९ नम्बरको बस र विपरीत दिशाबाट आउँदै गरेको प्र २–०१–००१ ज ००४७ नम्बरको विङ्गर सोमबार बिहान ठोक्किएर दुर्घटना भएको हो ।

दुर्घटनामा २ जना पुरुष र १ जना महिलाको मृत्यु भएको प्रहरीले जनाएको छ । मृतकहरूको सनाखत बाँकी रहेको जिल्ला प्रहरी कार्यालय सुनसरीका प्रहरी नायव उपरीक्षक योगराज खतिवडाले जानकारी दिए ।

घाइतेहरूको इनरुवा, विराटनगर न्यूरो र नोबेल अस्पतालमा उपचार भइरहेको छ । प्रहरी प्रवक्ता खतिवडाले बस चालक झापा अर्जुनधारा नगरपालिका–१, का गोपाल अधिकारीलाई नियन्त्रणमा लिएको र घटनाको थप अनुसन्धान भइरहेको जानकारी दिए ।

थप समाचार

जनभावना सम्बोधनका लागि त्याग गर्न तयार बनौंः जनार्दन शर्मा

कांग्रेसको केन्द्रीय समितिको बैठक दुई दिन सर्‍यो

जेलबाट रविको अपिलः माग पूरा नभए संसदबाट राजीनामा दिनुपर्ने हुन…

देउवा–ओलीसहित तीनै सुरक्षा प्रमुखका बैठक बालुवाटारमा

गृहमन्त्री लेखकले दिए राजीनामा

जेएनजीको आन्दाेलनमा उत्पन्न परिस्थितिबारे छानबिन गर्न समिति गठन, १५ दिनको…