आन्तरिक पर्यटकको रोजाइमा दाङको कुलपानी हरित उद्यान

दाङ । जिल्लाको गढवा गाउँपालिका– १ बडहरास्थित कुलपानी हरित उद्यान (पार्क) पछिल्लो समय आन्तरिक पर्यटकको रोजाइमा पर्न थालेको छ । यहाँ हरेक दिनजसो मानिस घुम्न जाने गर्छन् ।

सिमसार क्षेत्रलाई संरक्षण गर्दै कुलपानी सामुदायिक वन समूहले पर्यटन प्रवर्द्धनका लागि हरित पार्क, जलासयसँगै काठको भ्युटावर निर्माण गरेपछि आन्तरिक पर्यटनको गन्तव्य बनेको हो ।

वन समूहले कृत्रिम जलासयसँगै पार्क निर्माण गरेर बाघ, गैँडा, जरायो, घोडा, मयूरलगायत विभिन्न प्रजातिका चराको प्रतिमा बनाएपछि पार्कमा घुम्न र वनभोजका लागि आउने मानिसको सङ्ख्यामा वृद्धि भएको वन समूहका अध्यक्ष नवराज शर्माले जानकारी दिए ।

कुलपानीमा पर्यटकलाई आकर्षण गर्नेगरी पार्कसँगै पोखरीमा काठको पुल, भ्युटावर निर्माणले थप आकर्षण बढाउने काम गरेको छ ।

पार्कमा घुम्न आउनेसँग २० देखि ३० सम्म लिने गरिएको छ । पर्यटन प्रवर्द्धनका माध्यमबाट राम्रो आयआर्जन हुन थालेपछि वन समूहले १२ हेक्टरमा फैलिएको पार्कलाई २० हेक्टर क्षेत्रमा वृद्धि गर्ने योजनाका साथ अघि बढेको छ ।

थप समाचार

११ महिनाको वैदेशिक व्यापार-१६ खर्बको आयात हुँदा निर्यात २ खर्ब…

एमालेको शिक्षक संगठनको अध्यक्षमा हंसबहादुर शाही निर्वाचित

प्रधानमन्त्रीले शुरू गरे ह्वाट्सएप च्यानल

विद्युतीय शवदाह गृहमा भएको घोटालामा सुदन किराँतीले दिए बयान

सुनको लोभले १६ दिनकी सुत्केरी भाउजूको देवरबाटै हत्या

प्रतिनिधि सभा बैठकः आजपनि बजेटमाथिको छलफल जारी रहने