मःम पसलको ग्यास विस्फोट घटनाः अर्का एक जना घाइतेको पनि मृत्यु

खोज पत्रिका शुक्रबार, २०८१ फाल्गुन २, १७ :३५ बजे

काठमाडौं । काठमाडौंको कमलपोखरीस्थित शान्दार मःममा भएको ग्यास विस्फोटमा घाइते भएका अर्का एक जनाको पनि मृत्यु भएको छ ।

शुक्रबार दिउँसो साढे २ बजे उपचारका क्रममा अर्का एक जनाको मृत्यु भएको काठमाडौं जिल्ला प्रहरी परिसरका प्रवक्ता तथा एसपी अपिलराज बोहराले जनाए ।

मृत्यु हुनेमा उदयपुरको उदयपुरगढी गाउँपालिका–७ घर भइ हाल काठमाडौं महानगरपालिका–२८ बस्ने २२ वर्षीय प्रदीप तामाङ रहेका छन् । उक्त विस्फोटमा परेर ११ जना घाइते भएका थिए । घाइतेमध्ये दुई जनाको गत सोमबार निधन भइसकेको छ ।

मकवानपुरको मनहरी गाउँपालिका–५ डिल्लीपुरका १८ वर्षीय रबिन राई र उदयपुरको कटारी नगरपालिका–८ गालटारका २५ वर्षीय भिम बहादुर घले मगर (नवीन) को उपचारका क्रममा मृत्यु भएको थियो । अन्य घाइतेको उपचार जारी छ ।

क्याटेगोरी : जनगुनासो, देश/दुनियाँ, प्रमुख समाचार, समाचार