चीनको एक रेस्टुरेन्टमा विष्फोट, ३१ जनाको मृत्यु

काठमाडौं । चीनको उत्तरपश्चिमी भागको निङ्जिया सहरमा बुधबार राति भएको ग्यास विष्फोटमा ३१ जनाको मृत्यु भएको छ। निङ्जिया सहरमा रहेको एक रेस्टुरेन्टमा विष्फोट भएको चिनिया सञ्चारमाध्यम सिन्ह्वाले जनाएको छ।

एलपीजी ग्यास ट्याङ्कीमा लिकेज भएर विफोट भएको जनाइएको छ। विष्फोटमा परी ७ जना घाइते भएको र उनीहरुको स्थानीय अस्पतालमा उपचार भइरहेको छ।

राष्ट्रपति सी चिनफिङले दुर्घटनामा मृत्यु भएका परिवारलाई तत्काल राहत र घाइतेको उपचारमा सहयोग गर्न सुरक्षा निकायलाई निर्देशन दिएका छन्। सीले महत्वपूर्ण उद्योग तथा क्षेत्रहरूमा सुरक्षा व्यवस्था मजबुत बनाउनुपर्नेमा जोड दिएका छन्।

यसअघि पनि चीनमा ग्यास र केमिकल विस्फोटका घटना भइसकेका छन्। सन् २०१५ मा शृङ्खलाबद्ध विस्फोटमा १७३ जनाको मृत्यु भएको थियो।

थप समाचार

जेलबाट रविको अपिलः माग पूरा नभए संसदबाट राजीनामा दिनुपर्ने हुन…

देउवा–ओलीसहित तीनै सुरक्षा प्रमुखका बैठक बालुवाटारमा

गृहमन्त्री लेखकले दिए राजीनामा

जेनजी प्रदर्शनमा १९ जनाको मृत्यु, ३४७ घाइते

सामाजिक सञ्जाल नियमन नगरी खोल्न सकिँदैनः प्रधानमन्त्री ओली

पूर्वराष्ट्रपति भण्डारीलाई विमानस्थलमै ५१ किलोको माला