ललितपुरका सहकारीकर्मीहरुलाई क्षमता अभिवृद्धि तालिम

ललितपुर । ललितपुर महानगरपालिकाको आयोजना तथा राष्ट्रिय सहकारी बैंक लिमिटेड लगनखेल शाखाको संयोजनमा ललितपुरका सहकारीकर्मीहरुलाई २ दिवसीय लेखा सुपरिवेक्षण समितिको क्षमता अभिवृद्धि तालिम प्रदान गरेको छ । तालिम उद्घाटन बैंकका सञ्चालक रामहरि बजगाईँले गरेका थिए ।

उद्घाटन कार्यक्रममा बोल्दै सञ्चालक बजगाईँले लेखा सुपरिवेक्षण समिति सक्रिय भएको सहकारी संस्थामा समस्या नभएको भन्दै सहकारी सुशासन र नियम सङ्गत सञ्चालनमा लेखा सुपरिवेक्षण समितिको महत्त्वपूर्ण भूमिका रहने बताए । तालिममा महानगरमा रहेका विभिन्न सहकारी संस्थाका लेखा सुपरिवेक्षण समितिका संयोजक तथा सदस्यहरूको सहभागिता रहेको थियो ।

तालिमको सहजीकरण अनिलवीर वज्रचार्यले गर्नु भएको थियो, भने समापन कार्यक्रमको सञ्चालन बैंकको लगनखेल शाखाका प्रमुख रमा घिमिरेले गरेका थिए । चैत्र ५ र ६ गते सञ्चालन भएको तालिमको समापन ललितपुर महानगर सहकारी शाखाका प्रमुख देव प्रसाद गुरागाईँले गरेका थिए ।

थप समाचार

अस्ट्रेलियाद्वारा प्यालेस्टिनी राज्यलाई मान्यता दिने योजना घोषणा

विपिन जोशीको अवस्था अझै अज्ञात, रिहाइको पहल गर्न आमा र…

सुनसरीमा बस र विङ्गर ठोक्किँदा ३ को मृत्यु, १६ जना…

खडेरीको प्रभाव : मधेसमा ७७ प्रतिशत धान रोपाइँ, २७ प्रतिशतले…

दल स्वमूल्यांकन कार्यविधि कांग्रेस–एमालेकै चाहनामा ल्याउन लागिएको माओवादीसहितका दलहरुको निष्कर्ष

विप्लवसँग नारायणकाजीले गरे एक घण्टा छलफल