चिनियाँ व्यापारीले केन्याको बजारमा घुसपैठ गरेको भन्दै नैरोबीमा व्यापारीको विरोध प्रदर्शन

खोज पत्रिका मङ्लबार, २०७९ चैत्र ७, १४ :५४ बजे

नैरोबी। केन्याको राजधानी नैरोबीको प्रमुख व्यापारी क्षेत्रमा सयौँ व्यापारीले प्रदर्शन गरेका छन् । चिनियाँ व्यापारीहरूले केन्याको बजारमा घुसपैठ गरेको भन्दै व्यापारीहरूले विरोध प्रदर्शन गरेको केन्याको स्थानीय पत्रिका द स्ट्यान्डर्डले समाचार लेखेको छ । चिनियाँ व्यापारीहरूले डाउनटाउन सेन्टरहरूका केन्याली व्यापारीहरू हटाउन खोजेको आरोप लगाएका छन् । यस्तै, चिनियाँहरुले सस्तो दरमा सामानहरू बेचेको दाबी गरेका छन्। द स्ट्यान्डर्डका अनुसार प्रहरीले हेले सेलासी एभिन्यू र अन्य प्रमुख सडकहरूमा प्रदर्शन गर्न व्यापारीहरूलाई रोकेको थियो। थाका सुपरहाइवेमा रहेको प्रमुख पसल चाइना स्क्वायरलाई केही समयका लागि बन्द गरिएको बेलामा विभिन्न सामानहरू छुट मूल्यमा उपलब्ध गराइने बेलामा विरोध प्रदर्शन भएको बताइएको छ।

न्यामाकिमाका इलेक्ट्रोनिक्स डिलर पेरिसले द स्ट्यान्डर्डसँग कुरा गर्दै भने,‘म यहाँ केन्याको बजारमा चिनियाँ व्यापारीहरूको आक्रमणको विरोध गर्न आएको हुँ। विदेशीहरूले एकै समयमा निर्माता र विक्रेताको भूमिका खेलिरहेका छन्, जुन हुनु हुँदैन। केन्यामा, तिनीहरू वितरक र खुद्रा बिक्रेता हुन्। तिनीहरूले हामीलाई व्यवसायबाट बाहिर निकालेका छन्।’ यस हप्ताको सुरुमा, केन्याको व्यापार, लगानी र उद्योग क्याबिनेट सचिव मोसेस कुरियाले चाइना स्क्वायर बन्द गर्न आह्वान गरे, केन्याको पीपल डेलीले उल्लेख गरेको छ। व्यापारीहरुले चिनियाँ पक्षलाई केन्यामा व्यापार गर्न छुट नभएको बताएका छन् । चिनियाँ व्यापारीका कारण केन्यामा स्थानीय व्यापारी मर्कामा पर्दै आएको समाचारमा उल्लेख गरिएको छ ।

क्याटेगोरी : विदेश, समाचार