भैरहवामा कर्जा तथा जोखिम व्यवस्थापन तालिम सम्पन्न

भैरहवा । राष्ट्रिय सहकारी बैंक लिमिटेड भैरहवा शाखाको आयोजनामा त्यस क्षेत्रका सहकारीकर्मीहरुलाई २ दिने कर्जा तथा जोखिम व्यवस्थापन प्रदान गरेको छ । त्यहाँका विभिन्न प्रकृतिका सहकारी संस्थाका सञ्चालक, व्यवस्थापकहरूलाई कर्जाको महत्त्व, कर्जाको प्रक्रिया, कर्जाको उपयोगिता, कर्जा विश्लेषण तथा व्यवस्थापन, जोखिम व्यवस्थापन, लघु कर्जा र धितो सुरक्षणका लागि लिइने कागजात, लगानी, असुली तथा निष्क्रिय कर्जा व्यवस्थापन लगायतका विषयमा जानकारी दिने उद्देश्यले तालिम सञ्चालन गरिएको बैकले जनाएको छ ।

तालिमलाई राष्ट्रिय सहकारी बैंकको तालिम विभागका सहायक अधिकृत राजकुमार बरालले कर्जा लगानी प्रक्रिया, कार्यक्षेत्र विस्तार, तालिम सदुपयोगयता, कर्जा सुशासन, कर्जामा निहित जोखिम तथा मुल्याकंन विश्लेषण, लघु कर्जा व्यवस्थापन, कर्जा विश्लेषण र कर्जा असुली तथा अनुगमन लगायतका विषयमा सहजीकरण गरेका थिए ।

बैंकको भैरहवा शाखाका प्रमुख आलोक सिवाकोटीको सञ्चालनमा भएको तालिमको समापन बैंकका सञ्चालक माधवलाल देवकोटाले गरेका थिए । उनले समापन कार्यक्रममा बोल्दै वित्तीय कारोबार गर्ने सहकारी संघ/संस्थाहरुमा कर्जा कारोबारको व्यवस्थापन अति महत्वपूर्ण हुने भन्दै सदस्य संस्थालाई थप व्यवस्थित र प्रभावकारी बनाउन तालिम सहयोगी हुने बताए । तालिममा विभिन्न सहकारी संस्थाका ४१ जनाको सहभागिता रहेको थियो ।

थप समाचार

बाबुराम भट्टराईको छलफलमाः जनार्दन शर्मादेखि डिपी अर्यालसम्म

सुधनले मागे गृहमन्त्रीको राजीनामा, जेन–जीको माग पूरा नभए चुनाव हुन…

गृहमन्त्री अर्यालद्वारा पूर्वराष्ट्रपति भण्डारीसँग भेटवार्ताः आन्दोलनमा जलेको घरको निरीक्षण

समाजवादीसँगको एकता ऐतिहासिक र असाधारणः संयोजक दाहाल

कम्युनिष्ट पार्टीहरुको एकतामा बल पु¥याउने ध्येयले नेपाली कम्युनिष्ट पार्टीको घोषणामा…

राष्ट्रिय एकता र गणतन्त्रात्मक व्यवस्थाको रक्षा पार्टीको मुख्य कार्यभारः उपसंयोजक…