बझाङ केन्दबिन्दु भएर ५.४ रेक्टरको भूकम्प

खोज पत्रिका आइतवार, २०७९ कार्तिक २७, ०३ :३३ बजे

काठमाडौं । बझाङ केन्द्रबिन्दु भएर ५ दशमलव ४ रेक्टर स्केलको भूकम्प गएको छ । बेलुका ८ बजेर १२ मिनेटमा बझाङको पातादेवल केन्द्रबिन्दु भएर ५ दशमलव ४ रेक्टर स्कलेको भूकम्प गएको हो ।

भूकम्प मापन केन्द्रका अनुसार भूकम्पको धक्का सुदूरपश्चिमका बैतडी, दार्चुला, डडेल्धुरा, अछाम, कञ्चनपुर, कैलालीलगायत जिल्लामा महसुस गरिएको छ । त्यस्तै, पश्चिमका दाङ, सल्यान, रुकुम, जाजरकोट लगायतका जिल्लामा पनि त्यसको धक्का महसुस गरिएको थियो । स्थानीयहरु त्रासका कारण घरबाहिर निस्केर बसेका छन् ।

भूकम्पको क्षतिबारे कुनै जानकारी नआएको प्रहरीले जनाएको छ । यसअघि कात्तिक २२ गते राति ९ बजेर ७ मिनेटमा ५.७ र राति ९ बजेर ५६ मिनेटमा ४.१ र कात्तिक २३ गते बिहान २ बजेर १२ मिनेटमा खप्तड राष्ट्रिय निकुञ्ज केन्द्रबिन्दु भएर ६ दशमलव ६ रेक्टर स्केलको भूकम्प गएको थियो । सो भूकम्पमा परेर ६ जनाले ज्यान गुमाएका थिए ।

मंगलबार देखि सुदुरपश्चिममा निरन्तर भुकम्पको धक्का महसुस भइरहेको छ। बझाङको सदरमुकाम चैनपुर लगाएतका स्थानियहरू खुल्ला ठाउँमा आँगो बालेर बसेका छन्।