भक्तपुरका सहकारीकर्मीलाई दिइयो सम्पत्ति शुद्धीकरण निवारण सम्बन्धि तालिम

खोज पत्रिका सोमवार, २०७९ कार्तिक २१, ०३ :२६ बजे

काठमाडौं । राष्ट्रिय सहकारी बैंक लिमिटेड सुर्यविनायक शाखाले सम्पत्ति शुद्धीकरण निवारण सम्बन्धी तालिम दिएको छ । शुक्रवार सुर्यविनायक शाखाको कार्यक्षेत्र अन्तर्गतका सहकारी संघ–संस्थालाई लक्षित गरि आयोजना गरेको सम्पत्ति शुद्धीकरण निवारण सम्बन्धी तालिममा त्यस क्षेत्रका २७ वटा सहकारी संस्थाका प्रतिनिधिहरूको सहभागिता रहेको थियो ।

एक दिने उक्त तालिम कार्यक्रमको शुभारम्भ सुर्यविनायक शाखाका प्रमुख दिनेश गेलालले तालिममा आपराधिक क्रियाकलाप र गैर कानुनी काम गरी आर्जन गरेको रकम सहकारी संघ–संस्था, बैंक तथा अन्य वित्तीय माध्यमले शुद्धीकरण गर्ने कामलाई निरुत्साहित र निवारण गर्न कर्मचारीहरूलाई यस सम्बन्धी कानुनी व्यवस्था, शुद्धि करणका प्रयास, रिपोर्टिङको तरिका र निवारणका प्रक्रियाको बारेमा सहकारी संघ–संस्थामा काम गर्ने कर्मचारीले ध्यान दिनु पर्ने बताए ।

नेपाल राष्ट्र बैंकका पूर्व उप–निर्देशक श्याम कृष्ण दाहालले सम्पत्ति शुद्धीकरण निवारण सम्बन्धी उक्त तालिमको सहजीकरण गर्दै गैर कानुनी रूपमा आर्जित रकम, आपराधिक र आतङ्कवादी क्रियाकलापबाट आर्जित रकमको पहिचान कसरी गर्ने र शङ्कास्पद कारोबारको रिपोर्टिङ लगायत विषयमा जानकारी दिएका थिए ।

क्याटेगोरी : अर्थ, देश/दुनियाँ, समाचार
ट्याग : #राष्ट्रिय सहकारी बैंक, #सुर्यविनायक शाखा