जनसचेतन सहकारी अभियन्ता राष्ट्रिय पुरस्कारबाट अध्यक्ष उप्रेती सम्मानित

दोलखा । जिल्लामा रहेको जनसचेतन बचत तथा ऋण सहकारी संस्था लिमिटेडले राष्ट्रिय सहकारी बैंकका अध्यक्ष के.बी. उप्रेतीलाई ‘सचेतन सहकारी अभियन्ता राष्ट्रिय पुरस्कार’ प्रदान गरेको छ । संस्थाले रजत जयन्तीको अवसरमा स्थापना गरेको जनसचेतन सहकारी अभियन्ता राष्ट्रिय पुरस्कार २०७९ बाट उप्रेतीलाई सम्मान गरेको हो ।

राष्ट्रिय सहकारी महासंघका सञ्चालक समेत रहेका उप्रेतीलाई नेपालको सहकारी अभियानमा सहकारी क्षेत्रको प्रवर्द्धन, विकास, व्यवसायीकरण, स्तरीकरण तथा व्यवस्थापनमा महत्त्वपूर्ण राष्ट्रिय योगदान पुर्‍याउने व्यक्तिलाई प्रदान गर्ने उक्त पुरस्कारको राशि ३३ हजार ३ सय ३३ रुपैयाँ रहेको छ ।

संस्थाको ३० औ स्थापना दिवसको अवसरमा शनिवार संस्थाको सभा हलमा आयोजित कार्यक्रममा जिल्ला समन्वय समिति दोलखाका प्रमुख बर्जूराम घरानीले उक्त पुरस्कार प्रदान गरेका हुन । उक्त पुरस्कारबाट यस अघि सहकारी बैंकका सल्लाहकार केशव बडाल, दीपकप्रकाश बासकोटा लगायत सम्मानित भएका छन् ।

संस्थाका अध्यक्ष हेमन्त चौलागाईंको अध्यक्षतामा भएको स्थापना दिवसमा प्रमुख घरानीले सहकारीले बचत र ऋणको कारोबार सँगै उत्पादनमा लाग्न सुझाव दिएका थिए । कार्यक्रममा राष्ट्रिय सहकारी बैंकका अध्यक्ष उप्रेतीले दोलखालाई सहकारीको नमुना जिल्ला बनाउन जनसचेतनलाई नेतृत्वदायी भूमिका निर्वाह गर्न आग्रह गरेका थिए । उनले सहकारी क्षेत्रको विकास र विस्तारका लागि आफूले सकेको सहयोग गर्ने बताएका थिए ।

थप समाचार

कांग्रेसले भन्यो– हामी कसैसँग चुनावी गठबन्धन गर्दैनौँ

कुलमानले भने–भाषण गरेर कोही प्रधानमन्त्री हुँदैन

एपस्टिनसँग बिताएको प्रत्येक क्षणप्रति मलाई पछुतो छः बिल गेट्स

रास्वपामा प्राइमरी इलेक्सनका नाममा पैसा असुली,धमाधम नेताहरुले छोड्दै पार्टी

फागुन २१ गते एकै चरणमा निर्वाचनबारे प्रधानमन्त्री र एमाले अध्यक्ष…

रास्वपालक्षित प्रचण्डः सञ्जालमा हाहा र हुहु गरेर केही हुन्न