रामेछापको मन्थली बजारमा सहकारी बैंकको शाखा स्थापना गर्न माग

रामेछाप । जिल्लाका सहकारीकर्मीहरुले राष्ट्रिय सहकारी बैंकको शाखा मन्थली बजारमा स्थापना गर्न माग गरेका छन् । राष्ट्रिय सहकारी बैंक लिमिटेड चरिकोट शाखाले सोमबार मन्थलीमा आयोजना गरेको कार्यक्रममा सहभागीहरूले सहकारीहरूको रकम सहकारी बैंकमा परिचालन गरी सहकारी अभियानलाई प्रभावकारी बनाउन सहकारी बैंकको शाखा स्थापना गर्न माग गरेका हुन ।

कार्यक्रममा मन्थली नगरपालिकाका प्रमुख लब श्रेष्ठले सहकारीहरूलाई संस्थागत रूपमा सक्षम बनाउन र वित्तीय रूपमा सुशासन युक्त बनाउन सहकारी बैंक र नगरपालिकाबिच समन्वय गरेर अगाडि बढ्ने प्रतिबद्धता जनाए । सहकारी बैंकको शाखा मन्थलीमा सञ्चालनका लागि नगरपालिकाको तर्फबाट सक्दो सहयोग र समन्वय गर्ने प्रतिबद्धता व्यक्त गर्दै उनले शाखा सञ्चालनका लागि आग्रह गरे ।

जिल्ला सहकारी संघ रामेछापका अध्यक्ष हिमाल ढुङ्गेल र जिल्ला बचत तथा ऋण सहकारी संघका अध्यक्ष जगन्नाथ दाहालले सहकारी बैङ्कका अध्यक्ष के.बी. उप्रेतीलाई ध्यानाकर्षण गराएका थिए । कार्यक्रममा अध्यक्ष के.बी.उप्रेतीले मन्थली लगायतका अन्य स्थानमा बैंकको शाखा सञ्चालनको लागि आवश्यक प्रक्रिया भइरहेको जानकारी दिएका थिए ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्