चरित्र हत्या गर्ने युट्यूव बिरुद्ध अभिनेत्री रेखा थापा पुगिन साइबर ब्यूरो

खोज पत्रिका शुक्रबार, २०७८ फाल्गुन २०, १६ :५६ बजे

काठमाडौं । अभिनेत्री रेखा थापाले युटुवबाट आफूलाई गालीगलौज गरेको भन्दै नेपाल प्रहरीको साइबर व्यूरोमा उजुरी दिएकी छन् । थापाको तर्फबाट उनकी दिदी तारा थापाले ए वान मिडियाविरुद्ध ब्यूरोमा जाहेरी दर्ता गराएकी हुन् ।

पल शाहविरुद्ध बलात्कारको जाहेरी दिएकी नाबालिक पीडितको पक्षमा बोलेको भन्दै अभिनेत्री थापालाई गालीगालैज गरिएको उजुरीमा जनाइएको छ । युटुव दर्ता गरिएको छ कि छैन् भन्दै जानकारी दिन प्रेस काउन्सिललाई ब्यूरोले पत्रचार गरेको छ ।

आफूलाई विद्युतीय माध्यमबाट आफ्नो मानमर्दन र गाली बेइज्यति गर्नेमाथि कारवाही गर्न निवेदकको माग छ । आजै साइबर ब्यूरोले एक विज्ञप्ति जारी गरी सामाजिक सञ्जालमार्फत पिडितको गोपनियता हनन र प्रहरी अनुसन्धान प्रभावित तुल्याउने खालका पोष्ट नगर्न चेतावनी दिएको थियो ।

क्याटेगोरी : जीवनशैली, प्रमुख समाचार, समाचार, सामाजिक सञ्जाल
ट्याग : #रेखा थापा, #साइबर व्यूरो