जर्मनीलाई हराउँदै इङल्याण्ड युरोकप फुटबलको क्वार्टरफाइनलमा

खोज पत्रिका बुधबार, २०७८ असार १६, १६ :३९ बजे

काठमाडौं । उपाधिदाबेदार जर्मनीलाई पराजित गर्दै इंग्ल्यान्ड १६ औं संस्करणको युरोकप फुटबलको क्वाटर फाइनलमा प्रवेश गरेको छ । तीन पटकको च्याम्पियन जर्मनीलाई २–० गोल अन्तरले पराजित गर्दै इंग्ल्यान्ड अन्तिम आठमा पुगेको हो । इंग्ल्यान्डलाई जित दिलाउन रहिम स्ट्रर्लिङ र ह्यारी केनले एक एक गोल गरे ।

पहिलो हाफ गोलरहित बराबरीमा सकिएको खेलको ७५ औं मिनेटमा स्ट्रर्लिङले गोल गर्दै इंग्ल्यान्डलाई सुरुवाती अग्रता दिलाएका थिए । उनले लुक शको पासमा गोल गरेका थिए । खेलको ८६ औं मिनेटमा कप्तान केनले गोल गर्दै इंग्ल्यान्डलाई २–० को जित दिलाए । उनले ज्याक ग्रेलिसको पासमा हेडरमार्फत गोल गरेका हुन् । जारी युरो माउनको यो पहिलो गोल हो । यससँगै इंग्ल्यान्ड क्वाटर फाइनलमा पुग्ने सातौं टिम बनेको छ ।

इंग्ल्यान्ड दोस्रो पटक युरोकपको क्वाटर फाइनलमा पुगेको हो । जितसँगै इंग्ल्यान्डले ५५ वर्षपछि जर्मनीलाई नकआउट चरणमा पराजित गर्न सफल भएको छ । यसअघि इंग्ल्यान्डले जर्मनीलाई सन् १९६६ को विश्वकप फाइनलमा पराजित गरेको थियो । जर्मनी भने प्रतियोगिताको राउण्ड अफ १६ बाट बाहिरिएको थियो ।

क्याटेगोरी : खेलकुद, समाचार
ट्याग : #इंग्ल्यान्ड, #युरोकप फुटबल