नेपालीको बिदेश मोह, गैरकानुनी रुपमा जाँदा ज्यानै खतरा

काठमाडौं २६ भदौ । नेपालले श्रम स्विकृति नदिएका र युद्धग्रस्त देशमा रोजगारी खोज्दै पुगेका नेपालीहरु एकपछि अर्को जोखिममा परिरहेका छन् । तीजका दिन अर्थात, भदौ १६ गते राति मात्रै पनि अफगानिस्तानको राजधानी काबुलस्थित ग्रिन भिलेज क्याम्पमा आत्मघाती विस्फोटमा परेर दुई नेपालीले ज्यान गुमाउनु पर्यो । चितवनस्थित भरतपुर महानगरपालिका–२१ का कृष्ण थापा र रोल्पाका चन्द्र पुनको परिवार यतिबेला शोकमा डुबेको छ । पूर्वप्रधानमन्त्री समेत रहेका अध्यक्ष पुष्पकमल दाहालले भारतीय दूतावास र नेपालको परराष्ट्र मन्त्रालयका अधिकारीमार्फत पहल गरेपछि आतंककारी हमलामा मारिएका दुई जनाको शव नेपाल ल्याएर अन्तिम दाहसंस्कार गरिएपनि यस्तो पीडा सहने परिवारको संख्या दिनप्रतिदिन बढिरहेको छ । आगामी दशैमा फर्किएपछि कहिल्यै अफगानिस्तान जान्न भन्दै भदौ १ गते मात्रै अफगान फर्किएका चितवनका थापाको कहिल्यै घर नफर्किनेगरी अवशान भएपछि परिवारमा सन्नाटा छाएको छ । फर्किएर बन्दै गरेको नयाँ घरमा वस्ने रहर सदाका लागी अपुरो भएको छ भने थापाका ७८ वर्षिया वुवा र आमा पुत्र वियोगको पीडाले बिछिप्त छन् । काबुल घटनामा आफन्त गुमाएकाहरु सोच्नै नसकिने पीडामा छन् । कोहीले छोरा कोहीले दाई भाई त कोहीले श्रीमान गुमाएर आशु झार्दै भक्कानिनुपर्दाको अवस्ताले धेरैलाई रुवाउँछ । यो प्रतिनिधि पीडा मात्रै हो । रोल्प सहित आफन्त गुमाउने देशपरका परिवारको पीडा यस्तै यस्तै छ । १५ बर्षको अवधिमा मात्रै पनि युद्धग्रस्त देशमा रोजगारीका लागि पुगेका २७ जना नेपाली विद्रोही समूह र आंतककारी आक्रमणको निसानामा परेका छन् । अफगानिस्तान, लिविया र इराकमा मात्रै पछिल्लो १५ बर्षमा २७ जना नेपाली आतंककारी आक्रमण र आतंकवादी समूहबाट मारिएका छन् भने रोजगारदाताको हिंसामा पर्नेहरुको संख्या निक्कै ठूलो छ । यहाँ अलपत्र बन्ने र समस्यामा पर्नेमा सबैभन्दा बढी घरेलु कामदारका रुपमा लिबिया हुँदै लगिएका महिलाहरु छन् । ३ वर्षअघि अर्थात २०७३ साल असारमा रोजगारीका लागि अफगस्तिान नै पुगेका १२ जना नेपालीले आफगानिस्तानको राजधानी काबुलमा भएको बम आक्रमणमा ज्यान गुमाएका थिए । इराक पुगेका १२ जना नेपाली आतंकवादी संगठनको कव्जामा मात्रै परेनन्, २०६१ साल भदौ १५ गते उनीहरुको विभत्स हत्या भएको भिडियो सार्वजनिक हुँदा देश नै शोकमा डुब्यो । दलालमार्फत अन्य देश जाँदा धेरै नेपाली लिबियामा फस्ने गरेका छन् । गैरकानुनी बाटो हुँदै इराक पुग्ने कामदारको संख्या ५० हजार नाघेको छ भने युएई हुँदै रोजगारीका लागि अफगास्तिान पुग्नेको संख्या २५ देखि ३० हजार रहेको सरकारी अनुमान छ । मेनपावार मार्फत रोजगारीमा गएकाहरुलाई समेत समस्या मुक्त बनाउन नसकिरहेको सरकारले दलाल मार्फत प्रतिबन्धित मुलुक पुगेर समस्यामा परेकाहरुको उद्धार गर्न नसक्दा जोखिम बढिरहेको छ । बैदेशिक रोगजारीका क्रममा बिदेशमा मृत्यु भएकाहरुको तथ्यांकले पनि जोखिम बढ्दैगरेको देखिन्छ । १० वर्षमा वैदेशिक रोजगारीमा गएका ७ हजार ४ सय ५५ को मृत्यु भएको छ । यो अवधिमा सबैभन्दा बढी मलेसियामा दुई हजार ६ सय ७० युवाले ज्यान गुमाएका छन् । साउदी अरेबियामा दुई हजार ३५, कतारमा एक हजार ४ सय ५७, संयुक्त अरब इमिरेट्स् (युएई) मा ६ सय ४ र अन्य मुलुकमा ६ सय ८९ जना नेपाली कामदारले ज्यान गुमाएको सरकारी तथ्यांक छ । एक दशकको अवधिमा एक हजार २ सय ५२ युवा अंगभंग भएर स्वदेश फर्किएका छन् भने अहिले पनि २७ नेपाली युवा विदेशी अस्पतालको कोमामा छन् । बिदेशी भुमिमा पुगेर ज्यान गुमाउनेको परिवार शोकमा डुब्दैगर्दा अलपत्र परेका र घाइते भै फर्किएकाको परिवारमा थप पीडा थपिएको छ । यति मात्रै होइन्, धेरै कमाउने र विकसित राष्ट्रमा उच्चस्तरको जीवनयापन गर्ने लोभमा पर्दा दलालको फन्दामा पर्ने नेपालीहरुको संख्या पनि दिन प्रतिदिन बढिरहेको छ । बिदेश यात्राको जोखिम कम गर्न लोभ र सुविधा मात्रै नहेरेर व्यक्ति स्वयम पनि सचेत बनौँ । अनि नागरिक प्रतिको दायित्वमा राज्य जिम्मेबार र चनाखो बनोस् ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्