किन यसरी मर्देछन् बिदेशमा नेपाली दश बर्षमा साँढे सात हजारको ज्यान गयो

काठमाडौं ५ साउन । ज्यान गुमाए हजारौ सपना बोकेर युवाहरु जाने गरेका छन् । तर, आफुले सोचे जस्तो नहुदा   वैदेशिक रोजगारीमा गएकाहरूको मृत्यु र अंगभंगको तथ्याङ्क डरलाग्दो छ । पछिल्ला ११ वर्षमा सात हजार चार सय ६९ नेपाली कामदारले विदेशमा ज्यान गुमाएका छन् । सरकारले वैदेशिक रोजगारीलाई सुरक्षित बनाउन नसक्दा विदेशमै मर्नेको संख्या बढिरहेको हो । २०६५–६६ देखि ०७५–७६ को वैशाखसम्म विदेशमा काम गर्न जाने सात हजार चार सय ६९ जनाले ज्यान गुमाएका छन् । १० वर्षमा मृतकको संख्या आठ सय प्रतिशतले बढेको छ । वैदेशिक रोजगार प्रवद्र्धन बोर्डका अनुसार आर्थिक वर्ष ०६५–६६ देखि आर्थिक वर्ष ०७५–७६ सम्म सात हजार चार सय ६९ जनाले ज्यान गुमाएका छन । यो श्रम स्वीकृति लिएर जानेहरूमध्येको तथ्यांक मात्रै हो । अनौपचारिक माध्यमबाट विभिन्न देशमा रोजगारीमा पुगेकाहरूमध्ये मृत्यु हुनेको संख्या पनि ठूलो छ । पछिल्ला वर्ष यता हरेक दिन दुईदेखि तीन नेपाली कामदारले विदेशमा ज्यान गुमाउने गरेका गरेको प्रवद्धन बोडले जनाएको छ । मुत्यू हुनेको संख्या बढ्दो दरमा रहेको बोडले जनाएको छ । ०६५–६६ मा ९० जनाले ०७०–७१ मा आठ सय ८८जानले ज्यान गुमाएका छन् । ०७४–७५ मा आठ सय २१ ले ज्यान ०७५–७६ को असार सम्म ७ सय २२ को मृत्यु भएको बोर्डले बताएको छ । यस अवधिमा सबैभन्दा धेरै ०७१–७२ मा एक हजार ६ जनाले ज्यान गुमाएका छन् । सरकारी तथ्यांकका अनुसार वैदेशिक रोजगारका गन्तव्यमध्ये मलेसिया र साउदी अरेबिया सबैभन्दा असुरक्षित देखिएको छ । पछिल्ला ११ वर्षमा मलेसियामा दुई हजार ६ सय ७४ नेपाली कामदारले ज्यान गुमाएका छन् । जसमा ३६ महिला रहेका छन् । साउदी अरेबिया पुगेका दुई हजार ३९ र कतार पुगेका एक हजार चार सय ५९ को मृत्यु भएको छ । यसरी कामकै लागि विदेशमा पसिना बुझाउन गएका युवाहरुको मृत्युप्रति सरकार बेखबर जस्तै छ ।

थप समाचार

कांग्रेसले भन्यो– हामी कसैसँग चुनावी गठबन्धन गर्दैनौँ

कुलमानले भने–भाषण गरेर कोही प्रधानमन्त्री हुँदैन

एपस्टिनसँग बिताएको प्रत्येक क्षणप्रति मलाई पछुतो छः बिल गेट्स

रास्वपामा प्राइमरी इलेक्सनका नाममा पैसा असुली,धमाधम नेताहरुले छोड्दै पार्टी

फागुन २१ गते एकै चरणमा निर्वाचनबारे प्रधानमन्त्री र एमाले अध्यक्ष…

रास्वपालक्षित प्रचण्डः सञ्जालमा हाहा र हुहु गरेर केही हुन्न