आठ क्षमता भएको भ्यानमा १६ विद्यार्थी कोचाकोच

काठमाडौं ५ साउन । आठ सिट क्षमताको भ्यानमा १६ जना बालबालिका, छतमा उनीहरुले पढ्ने किताको झोला । शिक्षाका लागि भर्खरैबाट संघर्ष गर्दैगरेका यी बालबालिका जोखिम उठाएरै बिद्यालय जान बाध्य छन् । नागार्जुन नगरपालिकाको गौरीगञ्जमा रहेको बेबी एञ्जल सेकेण्डरी स्कुलले यी बालबालिकालाई शिक्षित बनाउने नाममा यातना दिइरहेको छ । तर, सानो भ्यानमा कोचाकोच बिद्यार्थी राख्दा समेत सम्बन्धित निकायको ध्यान जान सकेको छैन् । कोचाकोच विद्यार्थी बोकेको बारे विद्यालय प्रशासन स्वयम पनि जानकार भएर पनि कारवाहीको दायरामा ल्याउन सकेको छैन् । कलिला बालबालिकाको जाखिम यात्राले अधिकांश विद्यालयमा निरन्तरता पाइरहेको छ । एक त यो स्कुलले स्कुल बस सञ्चालनको मापदण्ड पुरा गरेको छैन । अर्कोतर्फ खाल्डाखुल्डी सडकमा कोचाकोच बिद्यार्थी बोकेर जोखिम बढाइरहेको छ । सरकार विद्यालय शिक्षा अनिवार्य र निशुल्क भनिरहेको छ । तर अधिकांश नीजि स्कुलले विभिन्न शिर्षकमा उठाएको शुल्कबारे सधै बेखबर । सेवा सुविधाको बाहानामा महंगो शुल्क लिने अनि यात्राकै क्रममा जोखिम बढाउने यी र यस्ता विद्यालयहरुको मनोमानीमा कहिलेसम्म आखाँ चिम्लिरहने हो भन्दै ब्यङग्य गरिरहेका छन् । स्कुलले नियमित रुपमा यसरी बिद्यार्थी ओसार–पसार गरेपनि अभिभावक पनि मौन भएका छन् ।

थप समाचार

काठमाडौं उपत्यकासहित ७० बढी जिल्लामा एकसाता थपियो निषेधाज्ञा

पाकिस्तानमा बेपत्ताको खोजी र छानविन गर्न परिवारको माग

न फुट्न सक्ने न जुट्न सक्ने नेकपा एमाले, ओली र…

आज पाँचै प्रदेशमा भारी बर्षा, लुम्ले र घोरेपानी क्षेत्रमा खतराको…

प्रधानमन्त्री ओलीले चिकित्सा शिक्षा आयोगका उपाध्यक्ष गिरीलाई दिएकै हुन त…

असार १ मा सातै प्रदेशको बजेट आउँदै,यस्ता छन् बजेटको प्राथमिकता