युरोपा लिगको उपाधि चेल्सीले जित्यो

काठमाडौं १६ जेठ । युरोपा लिग फुटबलको उपाधि चेल्सीले जितेको छ । बुधबार राति भएको फाइनल खेलमा अर्को लण्डन क्लब आर्सनललाई ४–१ ले हराउँदै चेल्सीले उपाधि जितेको हो । अजरबैजानको बाकुमा भएको लण्डन डर्बीमा चेल्सीको जितमा इडन हजार्डले दुई गोल गरेका थिए । यस्तै, ओलिभर जिरउड र पेड्रोले एक एक गोल गरे । आर्सनलका लागि एलेक्स इवोबीले एक गोल फर्काएका थिए । पहिलो हाफमा गोल रहित रहेको खेलमा सबै गोल दोस्रो हाफमा भएको हो । ४९ औँ मिनेटमा जिरउडको गोलबाट चेल्सीले अग्रता लियो । ६० औँ मिनेटमा पेड्रोले अग्रता दोब्बर पारे । ६५ औँ मिनेटमा पाएको पेनाल्टीमा हजार्डले गोल गरेपछि चेल्सीको अग्रता ३–० मा पुगेको थियो । ६९ औँ मिनेटमा इवोबीले आर्सनलका लागि एक गोल फर्काए । ७२ औँ मिनेटमा हजार्डले व्यक्तिगत दोस्रो गोल गर्दै चेल्सीको ४–१ को जित निश्चित गरेका हुन् ।

थप समाचार

कांग्रेसले भन्यो– हामी कसैसँग चुनावी गठबन्धन गर्दैनौँ

कुलमानले भने–भाषण गरेर कोही प्रधानमन्त्री हुँदैन

एपस्टिनसँग बिताएको प्रत्येक क्षणप्रति मलाई पछुतो छः बिल गेट्स

रास्वपामा प्राइमरी इलेक्सनका नाममा पैसा असुली,धमाधम नेताहरुले छोड्दै पार्टी

फागुन २१ गते एकै चरणमा निर्वाचनबारे प्रधानमन्त्री र एमाले अध्यक्ष…

रास्वपालक्षित प्रचण्डः सञ्जालमा हाहा र हुहु गरेर केही हुन्न