प्रवक्ता महतलाई गगनले भने : बैठकमा चुप लागेर बस्ने, तल आएर धेरै बकबक नगर्नुस्

खोज पत्रिका शुक्रबार, २०८२ पुस १८, २१ :४२ बजे

काठमाडौं । नेपाली कांग्रेसका महामन्त्री गगन थापाले प्रवक्ता डा. प्रकाशशरण महतलाई धेरै बकबक नगर्न सुझाएका छन् ।

कार्यसम्पादन समितिको बैठकपछि सञ्चारकर्मीहरूसँग कुरा गर्दै बैठकमा चुप लागेर बस्ने तल आएर धेरै बकबक नगर्न सुझाव दिएका हुन् ।

उनले भने, ‘मैले उहाँलाई भरखर पढाएर आएको, माथि चुप लागेर बस्ने तल आएर बोल्न हुँदैन । कि मलाई माथि नै प्रश्न गर्नुपर्थ्यो । मैले आज उहाँलाई पाँचौँ पटक पढाएको ।’

महाधिवेशनको विवाद चर्किँदै जाँदा महामन्त्री थापा र प्रवक्ता महतबीच पछिल्लो समय सवाल जवाफ चलिरहेको छ ।

क्याटेगोरी : जनगुनासो, देश/दुनियाँ, प्रमुख समाचार, राजनीति, सामाजिक सञ्जाल