विदेशबाट मतदान तथा अन्तर क्षेत्र निर्वाचनको कानुनी मस्यौदा तयार, होला त सम्भव ?

खोज पत्रिका सोमवार, २०८२ पुस ७, १६ :२१ बजे

काठमाडौं । निर्वाचन आयोगले विदेशमा रहेका नागरिकले मतदान गर्न सक्ने कानुनी मस्यौदा तयार गरेको छ । यस्तै, आयोगले अन्तर क्षेत्र निर्वाचनका लागि समेत तयारी गरेको जानकारी गराएको छ ।

सोमबार प्रतिनिधि सभा सदस्य निर्वाचन कानुन एवं व्यवस्थापनसम्बन्धी राजनीतिक दलहरु र नागिरक प्रतिनिधिसँगको छलफलमा आयोगले प्रस्तुतीकरण दिएको छ ।

आयोगका प्रतिनिधिका तर्फबाट दिइएको प्रस्तुतीकरणमा अन्तर निर्वाचन क्षेत्रमा हुने मतदान तथा मतगणनामा सम्बन्धित उम्मेदवारको प्रतिनिधित्वको विषय र मतदानको अन्य पद्धतिको अवलोकन गर्दा मतदानको गोपनियताको विषय पनि ध्यानाकर्षण भएको र राय सुझाव प्राप्त भएको जानकारी गराइएको छ ।

आयोगले अदालतको आदेश, निर्वाचन आयोगको तयारी, स्रोत व्यवस्थापनका विषय, नयाँ व्यवस्थाको कार्यान्वयन गर्दा आउने अवसर, प्रभाव, चुनौती र गराइएका ध्यानाकर्षणका विषयलाई मध्यनजर गरेर बैठकमा प्रस्तुतीकरण गरेको हो ।

विदेशमा रहेका नेपालीले मतदान गर्ने विषय, अन्तर निर्वाचन क्षेत्र मतदान समानुपातिक वा प्रत्यक्षतर्फ मध्ये दुवै वा एकमा र कुनै पनि उम्म्दवारलाई समर्थन नरहेको भनी मतदान गर्ने विषयमा स्पष्ट धारणा अपेक्षा गरिएको बैठकमा आयोगका प्रतिनिधिले बताएका छन् ।

‘मतदाता नामावली ऐन २०७३ मा विदेशमा रहेका नेपालीको नामावली संकलनका लागि ऐनको बहिर क्षेत्रीय प्रयोगको व्यवस्था र विदेशमा रहेका नेपालीको नाम दर्ता गर्ने विषय र मतदानका लागि अस्थायी मतदाताको उपयोग गर्ने विषय समेटिएको छ ।

प्रतिनिधि सभा निर्वाचन ऐन २०७४ मा विदेशबाट मतदानको विषयका लागि नियोगको परिभाषा र विदेशबाट मतदान गर्ने सम्बन्धी व्यवस्था समावेश गरिएको छ ।

क्याटेगोरी : जनगुनासो, प्रमुख समाचार, राजनीति, विचार/लेख, समाचार, सामाजिक सञ्जाल