आन्दोलनरत नर्सहरूका माग तत्काल सम्बोधन गर्न सरकारसँग प्रचण्डको माग

खोज पत्रिका बुधबार, २०८२ कार्तिक १३, २१ :०९ बजे

काठमाडौं । नेकपा माओवादी केन्द्रका संयोजक पुष्पकमल दाहाल प्रचण्डले आन्दोलनरत नर्सहरूका माग तत्काल सम्बोधन गर्न सरकारसँग माग गरेका छन् ।देशभरका झन्डै डेढ लाख नर्सिङ सेवामा कार्यरत कर्मचारी विभिन्न चरणमा आन्दोलनरत रहेको भन्दै माग सम्बोधन गर्न सरकारको ध्यानाकर्षण गराएका हुन् ।

प्रचण्डले भनेका छन्, ‘यतिखेर देशभरका झन्डै डेढ लाख नर्सिङ सेवामा कार्यरत कर्मचारीहरू तोकिएको तलबमानभन्दा कम पारिश्रमिकमा काम गर्नुपर्ने बाध्यता, असमान व्यवहार, स्टाफको कमीले निम्त्याएको दबाब, अस्थायी रोजगारी, सामाजिक सुरक्षाको अभाव, कार्यस्थलमा असुरक्षा र तीव्र विदेश पलायनजस्ता समस्याविरुद्ध विभिन्न चरणमा आन्दोलनरत छन् ।’

नर्सहरूको सम्मान, सुरक्षाको ग्यारेन्टी र पेसागत अधिकार सुनिश्चितता नभई नेपालको जनस्वास्थ्य सेवा प्रणाली बलियो बन्न नसक्ने उनको भनाइ छ।

क्याटेगोरी : जनगुनासो, प्रमुख समाचार, राजनीति, विचार/लेख, समाचार